Манчестерийн их сургуулийн сексологчдийн гаргасан судалгааг бид судлан гурван мэдээг хүргэж байна. Эхнийх нь “муу” мэдээ, хоёрдах нь уйтгартай мэдээ, харин гуравдах нь харин сайхан мэдээ. “Муу” мэдээ гэвэл чиний үс засалт, маникюр, ганган туфли түүний хувьд тийм ч чухал биш гэнэ дээ. Анх уулзахдаа тэр энэ бүгдийг анзааралгүй өнгөрч ч магадгүй гэнэ. Уйтгартай мэдээ: бүх эрчүүд адилхан. Тэд заавал хөхийг чинь “судлах” болно. Харин сайхан мэдээ гэвэл хамгийн чухал нь чиний уруул гэнэ шүү. Уруул гэдэг деталийг ямар ч эр хүн анзааралгүй өнгөрөөдөггүй бөгөөд тархинд нь шууд секс дохио болж очдог юм байна. Тиймээс бид чамд дөрвөн бүсгүй уруулыг танилцуулахаар шийдлээ.
Уруул гэдэг нь:
Чамайг хэр эмэгтэйлэг болохыг…
• Эрчүүдэд яагаад будагтай уруул тэгж их таалагддаг вэ? Энэ бол эмэгтэйчүүдийн байгалаас заяасан шинж чанар. Үндэстэн, арьсны өнгөнөөс үл шалтгаалан эмэгтэй хүний уруул их тод ялгарч харагддаг. Харин эрчүүдийнх бол өөр хэрэг. Уруулын будаг нь чиний байгалын шинж чанарыг давуу тал болгодог төдийгүй илүү эмэгтэйлэг харагдуулж чаддаг.
Чиний нөхөн үржихүйг…
• Антропологчидын таамаглаж байгаагаар эмэгтэй хүний уруул нь эрчүүдэд ямар үр удам гаргаж өгөхийг нь хэлж өгдөг хэмээн таамагладаг. Үнэхээр уруул нь тухайн хүний эрүүл мэндийг илтгэж чаддаг. Бүсгүй хүний уруул бэлгийн бойжилтын үед зузаан, уян болдог нь тэр үед эстрогены түвшин өндөр болдогтой холбоотой. Жирэмслэх явцад хамгийн их үүрэгтэй гормон бол мөн л эстроген юм.
Түүнийг хэр сонирхож байгааг чинь…
• Эрчүүдийг уруулаараа “удирдан залах” хамгийн үр дүнтэй гурван аргыг мэргэжилтнүүд тогтоожээ. Эхнийх нь хагас нээлттэй уруул. Жимийгээгүй уруул нь чамайг нээлттэй гэдгийг харуулна. Уруулаа долоох нь түүнд секс сэдлийг шууд төрүүлж чадна. Харин уруулаа хазвал тэр эргэлзээгүй чиний өмнө сөхрөнө.
Интоорын тэсрэлт
• Ийм сонгодог өнгөнд бүүдгэр гадрага их зохицдог. Уруулаа будахдаа хурууныхаа өндөгөөр түрхээд бага зэрэг чийглэвэл хэт гялалзаад байхгүй.
Ухаан алдам үзмэн ягаан
• Сүүлийн үед загварын тайз ч тэр, улаан хивсний ёслол ч тэр үзмэн ягаан өнгөөр дүүрэх болсон. Уруулаа зүгээр нэг ягаанаар будах уу гэж үү? Дээд уруулаа арай тод өнгөөр, доод уруулаа бүдэг өнгөөр будахыг зөвлөе. Харин өнгөний зөрүү хоорондоо хэт ялгаатай байх ёсгүй.
Нүцгэн гоо сайхан
• Энэхүү будалтыг хийхийн тулд эхлээд уруулынхаа өнгийг өө дарагч/эсвэл кремээр бага зэрэг дарах хэрэгтэй. Үүний дараагаар цайвар шар өнгийн уруулын будгаараа будна. дээрээс нь саатай будгаар будаж металлик дүр төрхийг гаргасан ч болно. Гялалздаг пудрээ уруулынхаа дунд бага зэрэг түрхэж өгөх нь уруулыг илүү том зузаан харагдуулна.
• Сээтэгнүүр ягаан
Охидын зөөлөн ягаан өнгө маш секси харагдаж чадна. Гэхдээ зөвхөн гялалздаггүй, бүүдгэр гадартай бол. Ганц удаагийн түрхэлтээр хүссэн өнгөө гаргаж авахын тулд түрхэц сайтай будаг сонгохыг зөвлөе.
/Хулангоо/
