Төрөлх Ховд нутгаасаа УИХ-д хуралд олон удаа гарч ирсэн Д.Дэмбэрэл хөгшин, залуу хоёр эхнэртэй. Тэрбээр насаараа ханилсан эхнэр Долгорсүрэнгээсээ хөндийрч, найз Ховд аймгийн МАХН-ын дарга асан Батмөнхийн бага охин Б.Бямбатогтохыг өөрийн туслахаараа ажиллуулж байгаад эхнэрээ болгосон билээ
Хоёр хүүхдийг нь төрүүлсэн анхны эхнэр Баттуяагаа олон жил Америкт амьдарч байгаад ирэхэд нь Ерөнхий сайд асан С.Батболд эхнэрийнхээ дотно найз бүсгүйтэй нь гэрлэсэн гэдэг. Ерөнхий сайд С.Батболдын хувьд одоогийн гэргий Х.Отгонтуяадаа 100 хувь сэтгэл хангалуун явдагаа хэлж байсан удаатай. Тэрбээр бүр “Миний хамгийн best сонголт” гэж эхнэрээ тодорхойлжээ.
УИХ-ын гишүүн, үйлдвэр хөдөө аж ахуйн сайд Х.Баттулга хамгийн олон хүүхэдтэй улс төрчөөр шалгараад байна. Түүний анхны эхнэр загвар зохион бүтээгч Ц.Энхтуяа хэмээх тун хөдөлгөөнтэй бүсгүй байдаг. “Женко” группын үндэс суурийг тавилцсан энэ хатагтай Х.Баттулга сайдад хоёр хүү, нэг охин төрүүлж өгсөн юм. Харин Х.Баттулга сайдын хоёр дахь эхнэр Анжелика хэмээх орос бүсгүй бий, Анжелика хэмээх энэ орос бүсгүй Х.Баттулга сайдад дөрвөн хүү төрүүлж өгсөн
Монгол Улсын Ерөнхий сайд, Улсын Их Хурлын гишүүн, Ардчилсан Намын Дарга Н.Алтанхуяг ч анхны эхнэрээ сольсон. Шинэ эхнэр Х.Сэлэнгэ нь нөхрийнхөө хуучин эхнэр Ганчимэгтэй эв найртай байж, хүүхдүүдийнхээ төлөө санаа тавьдаг гэх юм билээ. Нөхрөө “хайртушка” хэмээн дууддаг Х.Сэлэнгэ бүсгүй Н.Алтанхуяг даргад гурван охин төрүүлж өгчээ.
Монгол Улсын Ерөнхий сайд асан С. Баярын анхны эхнэрийг О.Гэрэлтуяа гэдэг бол удаах эхнэр нь Х.Хулан. Удаах эхнэрээ УИХ-аас сонгож байсан эрхэм түшээгийн хоёр дахь амьдрал бүтэлгүйтсэнээс хойш “Гоонь” эрийн амьдралыг сонгож өнөөдрийг хүрсэн билээ. Хожим Азийн топ модель Г.Оюунгэрэлтэй нэр холбогдож явсан удаатай
МАХН-аас Баянзүрх дүүрэгт нэр дэвшиж буй УИХ-ын эрхэм гишүүн О.Чулуунбатын анхны эхнэрийг Баасансүрэн хэмээдэг. Харин хоёр дахь эхнэрийг нь Цэндмаа гэнэ. Эхнэр Баасансүрэнгээсээ салж, Цэндмаа гэх залуухан бүсгүйтэй ханилсан О.Чулуунбат гишүүн хэнз охинтой болж ихэд нялхарсан гэж сонсогддог. Өдгөө тавин таван настай эрхэм гэргий Г.Цэндмаагаасаа өрх тусгаарлаж, өөрийнхөө охиноос балчир шахуу Жимсээ хэмээх бүсгүйтэй хамт амьдраад чамгүй хугацаа өнгөрч байна.
Хоёр улс дамнан анхны эхнэр П.Буянбилэгтэйгээ сүр дуулиантай хуримлаж байсан Кёкүшюзан Д.Батбаяр нэлээдгүй хугацаанд хамт амьдарч, хоёр хүүхэдтэй болсны эцэст салцгаасан. Сумогоос зодог тайлж, эхнэрээсээ салсан Кёкүшюзан гоонь эрийн амьдралаар амьдарч, олон хүүхэнтэй холбогдсоны эцэст МУГЖ дуучин Т.Баясгалантай хамтран амьдран хөөрхөн хүү, охинтой болсон билээ.
УИХ-ын гишүүн асан Л.Гүндалайг хоёр дахь амьдралаа зохиосныг мэдэхгүй хүн ховор. Анхны эхнэр нь түүнд эд хөрөнгө бэлэглэсэн бол одоогийн гэргий Л.Аззаяа нь жинхэнэ хайрыг мэдрүүлсэн гэж эрхэм гишүүн номондоо өгүүлсэн байдаг. Л.Гүндалай эрхмийн оюутан ахуйдаа ханилсан анхны эхнэр Цацаа өндөр боловсролтой эмэгтэй байдаг аж.
УИХ-ын гишүүн Ө.Энхтүвшин Монголын радиогийн Хурд агентлагт насаараа шахуу ажиллаж буй Энхтуяа гэх бүсгүйтэй ханилж байжээ. Гэвч нүүрээ ингэсэгдсэн болов уу гэмээр гял, цал явдаг Ө.Энхтүвшин гишүүн хоёр дахь амьдралаа зохиож, нүүр, нүдээ ч татуулсан юм. Түүний хоёр дахь эхнэрийг У.Булган гэдэг аж.
