Хачирхалтай “донтолт”-ууд

Хүн ба Гахайн цусаар хооллогч
Ийм нэгэн хачирхалтай “хобби”-той түүнийг Мишель гэдэг. Тэрээр өсвөр наснаасаа эхлэн өөрийнхөө цусыг ууж эхэлсэн нэгэн бөгөөд цусаар хооллох хүслээ дарж дийлэлгүй гахайн цус уусан ч ханадаггүй нэгэн гэнэ. Түүний хэлж байгаагаар хүн бүрийн цус өөр өөрийн гэсэн амттай байдаг бөгөөд аль болох чадлынхаа хэрээр л тэднийг амтлах дуртай ажээ. Маш дотно харилцаа тогтоосон нэгнийхээ цусыг уудаг Мишель өөрийгөө “цус сорогч” биш гэж үздэг ба ХДХВ/ДОХ-ын халдвар авах магадлалтай тул цус уухаа зогсоох хэрэгтэй гэсэн эмчийн зөвлөгөөг ч хайхардаггүй донтон ажээ.

Хумсны будаг “амтлагч”
Өдгөө 24 настай Берта цангасан үедээ та бидний нэгэн адил цэвэр ус, цай, жимсний шүүс ууж цангаагаа тайлдаг нэгэн биш гэнэ. Тэрээр эдгээрийн оронд хумсны будгийг сонгон уудаг ба өдөрт 5 шил хумсны будаг ууж байж энэ хүсэл нь дарагддаг ажээ. Түүний хэлснээр хөх өнгийн будаг эсвэл тод, гялтганасан өнгийн хумсны будаг уух илүү дуртай юм байна.

“Хиймэл хөх”-гүйгээр амьдарч чадахгүй.
Өнгөрсөн 14 жилийн турш хөхөө томруулах 22 гаруй мэс ажилбарыг хийлгэсэн Шэйла Хэрши гэх эмэгтэйн тухай нэвтрүүлгийн нэгэн дугаар өнгөрсөн жил цацагджээ. Тэрээр хиймэл “хөх”-нүүдээ нялх үр шигээ хайрладаг бөгөөд амьдралд нь заяасан хамгийн сайхан зүйл хэмээн онцолжээ. Эмч нарын зөвлөж байгаагаар хиймэл хөхний зарим суулгацаа гаргуулж авахуулахгүй бол үхлийн аюулд ч хүрч магадгүй гэж зөвлөсөн ч тэрээр “Ийм сайхан хөхгүйгээрээ амьдарч чадахгүй” хэмээн зөрсөөр байгаа ажээ.

Хүүхэлдэйн “толгой” үнэрлэгч
“Хачирхалтай донтолт”-ууд цувралд аливааг амталж, идэж уухаас эхлээд маш олон жигтэй сонин зуршил бүхий хүмүүсийн тухай гардаг. Тэдний нэг болох Лэйси хэмээх бүсгүй энэ жил 25 настай бөгөөд 4 настайгаасаа л ийм хачин зуршилтай болжээ. Лэйси өөрийн хамгаас хайртай хүүхэлдэйгээ Сюүзи Кюү гэж нэрлэсэн ба түүнийгээ хаана ч явсан биеэсээ салгадаггүй бас түүнийхээ толгойг үнэрлэх “донтой” болжээ.

Секс хүүхэлдэй ба Дэйв
Дэйвкэт хэмээх 39 настай энэ эр бага байхын л дэлгүүрийн шилэн хоргон дахь моделиудыг харж таашаал авдаг нэгэн байжээ. Дэйв өөрийн хайртай хүүхэлдэйгээ Сидор гэж нэрлэсэн ба түүнийгээ усанд оруулж, хувцаслахаас гадна хамт хооллож, хөлөнд нь массаж хүртэл хийж өгдөг ажээ. Түүнгүйгээрээ нэг ч өдрийг өнгөрүүлж чаддаггүй Дэйв хүүхэлдэйнхээ гэрэл зургийг дарах дуртай гэнэ. Түүний хувь “хүүхэлдэй” гэргий нь сексээс ч илүү сайн хань юм байна.

00 цаасанд “донтогч”
Хуванцар сав суулга, халбага сэрээнээс эхлээд хад чулууг хүртэл идэж, шээс ба бензин ууж, үнэртэн ба хог хаягдал амтлах зэргээр ертөнцийн гаж “хобби”-той хүмүүсийн тухай хачирхалтай жагсаалт мэдээлэл үргэлжилсээр… Энэ удаа гадаа гэрт, машинд, ресторанд гээд хаана ч байсан 00 цаас иддэг нэгэн бүсгүйг Кэйша гэдэг гэнэ. Тэрээр долоо хоногт 4 – 5 ширхэг 00 цаас иддэг бөгөөд өдөрт бараг нэгийг дуусгах дөхдөг ажээ.

Машин ба Секс
Чэйз хэмээн нэрлэсэн “Monte Carlo (1998)” машинаасаа алхмын төдийд ч холдох дургүй энэ залууг Натаниэль гэдэг. Тэрээр машинаасаа удаан хугацаагаар холдох юм бол заримдаа түүнийгээ маш их санаж нулимс унагадаг гэдгээ хүлээн зөвшөөрсөн ба Чэйзийгээ байнга л арчилж тордохын сацуу болзоонд хүртэл явж, бүр “секс” хүртэл хийдэг гэнэ. Секс нь гол төлөв гар хангалга ба сэтгэлийн таашаалаар үргэлжилдэг ба анхныхаа үнсэлтийг Натаниэль (27 настай) машиндаа өгчээ.

Чихмэл “хурга”
Одоогоос 5 жилийн өмнө бэлгэнд авсан чихмэл хургандаа маш их хайртай Одри бүсгүй түүнийгээ амь шигээ хайрладаг нэгэн ажээ. 27 настай тэрээр чихмэлтэйгээ харилцах харилцаагаа зөн совингийн мэт үнэхээр дотно юутай ч зүйрлэшгүй хэмээн ярьжээ. Хайртай чихмэлтэйгээ өдөр бүр ярьж, хамт зугаалж, усанд оруулдаг ба хамт байхдаа туйлын тайван байдаг гэнэ.

Нөхрийн чандар ба Гэргийн донтолт
Энэ жил 28 настай Кэйси зуурдаар таалал төгссөн нөхрийнхөө чандрыг биедээ байнга авч явдаг нэгэн бөгөөд сүүлийн үед чандрыг нь бүр “иддэг” болсон гэнэ. Тэрээр нөхрийнхөө чандрыг дуусах вий гэхээс багагүй эмээдэг боловч хачирхалтай энэ үйлдлээ болихыг хүсэхгүй байгаа юм. Кэйси ба Шон нар 2009 онд гэр бүл болж байсан ажээ.