Хайрт чинь тань руу хэдэн өдөр утасдаагүй бол нэн даруй хоорондын харьцааныхаа учрыг олж эхлэх нь зүйтэй. Гэртээ байхгүй байна уу? тэгвэл гар утас руу нь яг одоо залга. Хариу өгөхгүй, утсаа авахгүй байгаа бол дахиад арван удаа боловч залга.
Ингээд нэмэргүй бол мессэж бич. Уншиж л таарна. Тэгээд түүнийг гэртээ ирэхийг нь хүлээ. Түүнийг орж ирэнгүүт асуудлыг хөндөж эхлэх хэрэгтэй. Харин хайртынхаа нэг ч үгэнд бүү итгээрэй. Түүнд өөрийгөө зөвтгөх эрх байхгүй.
– Та санасандаа хүрч, учрыг магадлаж чадаагүй тохиолдолд тайвширч санаа амар бүү суугаарай. Түүний дотны сайн найз нарын хэн нэгэн руу нь утасдаж яриан дундаа санамсаргүй хайртынхаа талаар тандаж асуу. Хэрэв асуултаас зугтааж байвал өөр найзаас нь асуу. Эрт орой хэзээ нэг өдөр таны таамаглал биелэлээ олох нь лавтай.
– Та эхний алхмыг хийж чадаагүй, хайрт чинь танаас тайван байлгахыг хүссэн ч гэсэн түүнд бууж өгч хэрхэвч болохгүй. Тайван байлгах асуудлын талаар зөвшөөрөх ч хэрэггүй. Түүнийг ямар нэгэн зүйл хийхийг нь харж суугаад бүтэхгүй. Харин үүнийхээ оронд болзооны талаар түүнээс цөхрөлтгүй гуйгаад үз. Тэр зөвшөөрөхөөс өөр аргагүй байдалд хүрнэ.
– Болзоондоо сайтар бэлдэх хэрэгтэй. Гоо сайхны салоноор үйлчлүүлж, брэндийн хувцсаар өөрийгөө гоёж, хайртын тань мэддэг байсан бүсгүй биш болсон мэт сэтгэгдлийг түүнд огцом төрүүлэх явдал чухал юм.
– Болзооны гол зорилго нь хэзээнээс таныг хайрт чинь хайрлахаа больсон, ямар хүнээр өөрийг чинь солих болсон, яаж ингэж чадаж байгааг олж мэдэх явдал юм. Энэ бүхнийг хэлсний дараагаар найрамдах санал тавибал танд сайхан дурсамжийг үлдээх хүртэл нь түүнд ганц ч боломж бүү өг.
