АНУ-ын Лос-Анжелес хотын Эйприл Браун гэгч 46 настай эмэгтэй жижиг хөхтэй, хавтгай өгзөгтэй гэх зэргээр өөрийгөө голж эд эрхтэндээ сэтгэл хангалуун бус явдаг байжээ.
Гоо сайханы мэс засалд орох мөрөөдлөө олон жилийн турш тээж явсаар 2004 онд нэгэн эмэгтэйтэй танилцсанаар сликоны тариа хийлгэж, гоо сайханы хагалгаа хийлгэсэн боловч харамсалтай нь эрэмдэг зэрэмдэг хүн болон хувирсан байна.
Тодруулбал: Анагаахын мэргэжилгүй, луйварчин бүсгүй Эйприл Браунд сликон гэж итгүүлэн барилгын материалд хэрэглэдэг бодис буюу барилга барих, засвар хийх үед усан хоолойг битүүмжлэхэд ашигладаг ахуйн силиконыг шахсан байна.
Барилгын мартериалд хэрэглэдэг бодисыг биедээ шахуулсан хүн яаж эрүүл байх вэ дээ. 4 жил эмнэлэгт хэвтэж, барилгын материалын сликоныг биеээсээ авхуулан, эмчилгээ хийлгэсэн боловч бие нь идээ бээрэндээ баригджээ. Бүсгүйн амийг аврахын тулд эмч нар өгзөг, гар, хөл гээд дөрвөн мөчийг нь тайрч амийг нь аварсан байна.
Бүсгүй сэтгэл гутралаа удаан эмчлүүлсэний эцэст хиймэл эрхтэн хийлгэж, одоо спортоор хичээллэх болсон байна.
Тэрээр “Би усанд сэлж, гимнастикаар хичээллэж байна. Би шүүхэд хандаад ч яах юм билээ, би амьдармаар байна. Охид бүсгүйчүүдээ эрүүл мэндээ хайрлаж яваарай” гэж захижээ.
Ж.ЦАЦРАЛ
ЭХ СУРВАЛЖ: WWW.MISS.MN
