Дэлхийн хамгийн үнэтэй хөлбөмбөгч Криштиано Роналдо сүйт бүсгүй, нэрт загвар өмсөгч Ирина Шейктэйгээ хамт амрахаар Нью-Йоркт яаран очжээ. Тэрээр сэтгэлт бүсгүйнхээ хамтаар дэлгүүрээр зугаалж, алхам ч холдохгүй байгаа гэнэ. Учир нь сүүлийн хоёр жилийн турш Ирина Шейк рүү хайрын захиа илгээж, гоо галбирыг нь магтаад байсан нэгэн эр байнга шил даран алхаж, амар тайван байдлыг нь алдагдуулах болжээ. Тиймээс ч Ирина Шейк Нью-Йоркийн цагдаад өргөдөл гаргаж, гэмт этгээдээс өөрийг нь хамгаалахыг хүссэн байна. Мэдээж, ганж донтон этгээд өөр рүүн хэдийд л бол хэдийд дайрах бэлэн яваа байгаа талаар Ирина Роналдод хэлсэн тул хөлбөмбөгч эр тун яаравчлан Нью-Йоркт иржээ.
Ийнхүү Роналдо зөвхөн нэр хүнд, мөнгө хөрөнгөнөөс гадна эр хүний нөмөр нөөлгийг сүйт бүсгүйдээ үзүүлэх болсон байна. Шейкийн сэтгэл санаа тэрхүү эрээс болж тогтворгүй байгаа тул гэрэл зурагчдыг хараад цүнхээрээ нүүрээ таглан алхах болжээ.Роналдо харин сүйт бүсгүйгийнхээ хамгаалагч шиг ард тун ойрхон явах болсон аж.
Р.Гэгээ
new.mn
