Щвейцарийн банканд нэг сая долларын нууц данстай болох нь илэрсэн ч энэхүү асуудлаа бултуулж чадсан С.Баярцогт сүүлийн үед таг чиг болоод байсан билээ. Тэр тусмаа сонгуулийн сурталчилгааны үеэр чимээгүй, алга болоод өг гэсэн үүргийг Ц.Элбэгдоржоос С.Баярцогтод өгсөн тухайн сонсогдож байв. Учир нь С.Баярцогтыг Оюу толгойгоос их хэмжээний авлига авсан байж магадгүй гэсэн хардлага нийгэмд газар авсан болохоор Ц.Элбэгдоржийн сонгуулийн PR-т сөргөөр нөлөөлж болзошгүй байсан юм. Тийм ч болохоор Ц.Элбэгдорж С.Баярцогтыг сонгуулийг дуустал таг чиг бол хэмээсэн нь үнэн байх магадлалтай.
Ийнхүү сураг алдраад байсан С.Баярцогт сонгууль өндөрлөх үеэр гарч ирлээ. Тэрбээр өчигдөр намынхаа нөхөдтэй “Пума” империал зочид буудлын зоогийн танхимд тухалж, сонгуулийн дүнг хүлээн авч байв. Ерөнхийлөгчийнхөө ялалтын мэдээг хуваалцаж суусан тэрбээр ийнхүү далд амьдралаасаа зухалзаж эхэллээ.
Гэсэн ч хэрэг хуучирдаггүй гэгчээр Ц.Элбэгдорж нь Ерөнхийлөгч болсон ч С.Баярцогтын хэргийг ард түмэн мартахгүй. Оюу толгой хэмээх ард түмнийг тэжээх том ордоо зүгээр л гадныханд найр тавиад өгөхөд ихээхэн үүрэг гүйцэтгэсэн С.Баярцогтыг хууль хяналтынхан шалгаж, үнэн мөнийг тогтооно хэмээн итгэж найдах хүмүүс байсаар байна.
http://mongolcomments.mn/index.php?pid=54&sec=view&id=9525
