Санан санасаар би чамдаа ирлээ
Санааширч суухыг чинь хусэхгүй ч
Салгуу амьдралд чинь наран болъё… гэж гэдсээ гаргасан цамцтай дөрвөн охин зам дээр бүжиглэдгийг санаж байна уу. Энэ бол “Sweetymotion” хамтлагийн тухайн үедээ хит болж одоо ч фэнүүдийнх нь дуртай дууны нэг болох “Санан санасаар” юм. Энэ дуу тухайн үед хэрхэн бүтэж, дүрсжүүлсэн талаар тус хамтлагийн дуучин Э.Ганболортой ярилцлаа.
-“Санан санасаар” дууны түүхээс сонирхохоор таныг “Дуу төрсөн түүх” буландаа урьсан юм. Тухайн үед энэ дуу нэлээд хит болж байсан шүү?
-2001 онд бид “Яагаад” цомгоо гаргаж байсан. Энэ цомог
т маань “Санан санасаар” дуу бий. Энэ дууны аяыг Б.Чинбат, үгийг нь “Элькондор” хамтлагийн дуучин Хэрлэн ах бичсэн.
-Энэ дуугаа хэрхэн бичүүлж байсан бэ. Хит болно гэж бодож байсан уу?
-Үгүй, энэ дуу бидний төсөөлснөөс илүү хит болсон. Бид “Яагаад” цомгоо бичүүлэхээс өмнө хоёр жилийн турш гэрээр бэлтгэл хийсэн юм. Түүнээс өмнө “Санан санасаар” дууны аяыг Чинбаа зохиож аянд нь тохируулж Хэрлэн ах үг зохиосон байдаг. Дуугаа дүрсжүүлж цацсанаас хойш энэ дууг сонсоогүй, клипийг нь үзээгүй миний үеийн залуус гэж байгаагүй байх. Бүгд л цоглог дуу болсон гэж урам өгч байсан.
-Клипийг нь хэрхэн хийж байсан бэ. Бас зохиолын санааг хэн гаргаж байв?
-“SТ” студи клипийг нь хийсэн. Харин зохиолыг нь тус студийн найруулагч Амраа гаргасан. Одоо үзэхэд бид бүгдээрээ л их бондгор охид байсан байна билээ. /инээв/ Тухайн үед клипний зураг авахад хөгжилтэй зүйл олон тохиолдож байсан. Гол дүрд нь Т.Солонго, “Wow” нэвтрүүлгийн хөтлөгч байсан Билгүүн нар тоглосон.
-Зургаа хаана, хаана авсан бэ?
-Зарим зургийг Сарнай-гийн гэрт авсан. Бас тэр үед Чинбаа маань “Sky Line” гэдэг машин унадаг байсан юм. Тэр машиныг хүртэл зургандаа ашиглаж унаж байсан. Мөн ус дээрээсээ шүршүүлж бүжиглэдэг хэсгийг бүхэл өдөржин ‘Тор tеn” бааранд авахуулсан. Тэр баар одоо “Эргэн дурсахуй” болсон байх шүү. Тэр үед уг баар хотын залуусын хамгийн их орж бүжиглэдэг газар байсан.
-Тэр үед х э д э н настай байсан бэ. Одоо ч зам дээр бүжиглэдэг хэсэг нүдэнд харагддаг шүү?
-Бүгдээрээ 18 настай байсан байх. Зам дээр бүжиглэдэг хэсгийг Зайсангаас дээшээ “Чингисийн хүрээ” амралтын газар хүрэх замд үүрээр авсан. Ер нь бидний хүч хөдөлмөр, сэтгэл их шингэсэн клип болсон.
Санан санасаар
Санан санасаар чамдаа ирлээ
Санааширч суухыг чинь хүсэхгүй нь
Салгуу амьдралд чинь наран болъё
Зүүдлэн зүүдлэсээр
Зүсрэх бороонд би норолгүй
Зүрх зүсэн хэлсэн үгээр чинь
Зүг зүгийн бороог халхалж
Бас уйлж явна даа би
Дахилт:Санан санасаар чамдаа би чинь ирлээ
Салгуу амьдралд чамайгаа бодсоор явнаа
Цээлийн цэцэгс нь
Хосоор ганхаад байна уу даа
Харанхуйн одод бүр хос хосоороо
Хайрын тэнгэрт минь чи үгүй болохоор
Хайлган нэгэнд сарнай болоод
Очиж явна даа би чинь
Бодолгүй хэлсэн болчимгүй үгс минь
Бороон дусадд шалба норж дээ
Бүүдийх тэнгэрт солонго татлаа
Уйдан уйдсаар үнэндээ чамайгаа би хүслээ
Учрал хүсэх чиний минь (чиний) харц л
Уйлах нулимсыг минь арчин
Үгүйлэх наран туслаа
Дахилт: Санан санасаар чамдаа би чинь ирлээ
Салгуу амьдралд чамайгаа бодсоор явнаа
Дахилт:…
Б.Марал-Эрдэнэ
Эх сурвалж: Өдрийн шуудан
