Нью-Йорк хотын “Ла Гуардиа” онгоцны аюулгүй байдлын ажилтнууд буу шиг хэлбэртэй өсгийтэй гутлыг хурааж авчээ. Аюулгүй байдлын үүднээс онгоцонд нэвтрүүлээгүй гэж албаныхан тайлбарласан байна.
Этгээд загвартай өндөр өсгийтийг анх “Chanel” брэнд 2008 онд загварын шоуныхаа үеэр танилцуулснаар бүсгүйчүүдийн талархлыг хүлээж байв. Мөн онд дуучин Мадонна тоглолтынхоо үеэр гар буутай өндөр өсгийтөөр гангарчээ.
Өвөрмөц өсгийтэй гутал анх удаа асуудал үүсгэсэн явдал энэ удаагийнх биш юм. 2009 онд Их Британийн модель, телевизийн нэвтрүүлэгч Тара Палмер Томкинсон ийм өсгийтэй гутал авч яваад Цюрих хотын нисэх онгоцны буудлын аюулгүй байдлын ажилтнуудад баривчлагдаж байв.
АНУ, Европын орнуудад бусдын биед хор хөнөөлтэй, гэмтэл учруулж болзошгүй эд зүйлийг онгоцонд авч ороход хатуу хяналт тавьдаг. Цаашид ч гар буу шиг хэлбэртэй өндөр өсгийтийг нарийн шалгаж оруулах бололтой.
Т.Арьяа
time.mn
