Гэрийн нөхцөлд үс арчлах хамгийн сайн хэрэгслийн нэг бол зуун наст.
Зуун настын шүүс таны үсийг унахаас сэргийлж, чийгшүүлэхийн зэрэгцээ хурдан ургуулдаг. Түүнчлэн ийм шүүс үрэвслийн эсрэг үйлчилгээтэй тул хуйхны арьсыг эрүүлжүүлж, хаггүй болгодог.
Та зуун наст ургамлаар гэрийн нөхцөлд өөрөө үсний маск хийгээд үз. Ийм маск түрхэхэд үс хуурайшихгүй, мөн хугарч, салаалахгүй.
Зуун наст ургамлын шүүсээс 2 халбагыг авч, оливын тос эсвэл тоорын тостой холино. Дээр нь 1 ширхэг түүхий өндөгний шар, 1 хоолны халбага тослоггүй цөцгий хийнэ.
Энэ холимгийг үсэндээ иллэг хийж байгаа мэт түрх. Үсээ уртааш нь буюу бүхэлд нь маск түрхэх ёстойг анхаар.
Маск тавиад 30 минутын дараа үсээ бүлээн усаар угаана. Тэгээд минераль усаар үсээ зайл, гэхдээ зуун настын шүүс жаахан нэмээрэй.
