
Харин хүүхэд ахуй цагтаа эх эцгийн амьд хайрыг мэдрээгүй хүн өөрийн хүүхэдтэйгээ харьцахдаа илүү харгис хэрцгий, хүйтэн хөндий ханддаг. Хүүхдийг жинхэнэ ажил хэрэгч хүн болж өсөхөд нь эцэг эхчүүд илүү анхаарч хүмүүжүүлэх хэрэгтэй.
Хэрэв хүүхдээ сайн хүн болгоё гэвэл юуны түрүүнд хүүхдээ, чин сэтгэлээсээ хайрлах хэрэгтэй. Гэхдээ хүүхэд тодорхой насанд үг дуулахгүй, хэрэг тарьж, худлаа хэлдэг. Харин үгэнд ордоггүй хүүхэддээ гомдож, тэр хэрээр хүүхдээ хайрлах хайр тань унтарвал муу хэрэг юм.
Мөн бусад айлын хүүхэд шиг цовоо сэргэлэн биш хэмээн хүүхдээ голж болохгүй. Мэдээж томчууд болгон хоорондоо адилгүй байдагтай адил хүүхэд бүр өөр өөр онцлогтой. Бусад хүүхэдтэй харьцуулах, эцэг эхчүүдийн хооронд гайхуулах уралдаан бүү явуул. Иймэрхүү зүйл хүүхдэд ямагт хохиролтой тусдаг.
/Хань/