Бүсгүй та хүзүүгээ үрчлээтүүлэхгүйн тулд нүүрнийхээ нэгэн адил тордох хэрэгтэй. Учир арьснуудаас үрчлээтсэн хүзүү болон гарын арьс тордлого авахдаа хамгийн муу нь юм. Иймд та унтахынхаа өмнө нүүрэндээ шөнийн тос түрхэх үедээ хүзүүндээ тос түрхэж заншаарай.
- Тослог ихтэй эсвэл хуурай арьсанд сайн шингээхийн тулд дулаан алчуураар хүзүүгээ ороогоорой.
- Хүзүүгээ хүүхдийн саван болон зөөлөн сойзоор угааж бай. Угаахдаа сойзоороо зууван хөдөлгөөн хийнэ. Дараа нь бүлээн усаар хүзүүгээ булх.
- Хүзүүний улбагар арьсанд хүйтэн шүршүүр сайн. Хүзүүгээ аль болох хүйтэн усаар шүрших эсвэл хүйтэн усанд норгосон сэвсгэр алчуураар хэсэг хугацаанд ороо. Дараа нь гарынхаа араар 30 орчим удаа алгад. Үүнийг долоо хоногт 2-3 удаа давтан хийгээрэй.
- Бүлээн усанд норгосон сэвсгэр алчуураар өглөө бүр хүзүүгээ арчиж байвал арьсны бижрүү арилна. Арчсаныхаа дараа тос түрхээрэй.
- Хүзүүг шинэ өргөст хэмхийн хальсаар арчих нь ашигтай. Энэ нь хүзүүнд амин дэм хэрэгтэй бодисуудыг нь өгч чаддаг байна. Хүзүүн дээрээ улаан толбо юм уу, хагарсан судастай бол арьс эмзэглүүлэх өндөр захтай хувцас өмсөх хэрэггүй гэдгийг зөвлөе.
- Өглөөд угаалгын дараа хүзүүндээ байнга иллэг хийх нь чухал. Эхлээд хүзүүгээ халуун усаар шавшаад, дараа нь хөөсөртөл савандана. Тэгээд нэг их ширүүн биш хоёр сойзоор доороос дээш нь 3-4 минутын турш хийнэ. Иллэгийн дараа эхлээд халуун бүлээн, дараа нь хүйтэн усаар шавшина. Усыг ямагт шилэн хүзүүний нэг л цэгт бууж доошоо эрүү даган урсахаар гоожуулах хэрэгтэй. Ийм маягаар угаасан хүзүүнд тэжээлийн тос түрхэж, сойзоор иллэг хийдэг чиглэлээр хурууныхаа өндгөөр арьсаа улайж, бүх тосыг шингэтэл тогшино.
- Хүзүүний арьс нэн үлбэгэр, сулбагар бол өдөрт нэг удаа дараах дасгалыг хийж бай.
- Толгойгоо зүүнээс баруун, баруунаас зүүн тийш тойрог маягаар 20 удаа эргүүлнэ.
- Орон дээрээ хоёр гараа биеийнхээ дагуу сунгаж, толгойгоо орноос унжуулан хэвтэнэ. Тэгээд толгойгоо цээжиндээ хүртэл аяархан өргөнө. Дараа нь анхны байдалдаа эргэн ортол аажуухан буулгана /5-6 удаа хий./
- Алгаараа газар тулан суугаад чихээ мөрөндөө хүртэл толгойгоо зүүн тийш, дараа нь баруун тийш гилжийлгэнэ. Дасгалыг мөрөө өргөлгүй 5-6 удаа давтана. Мөн янз бүрийн жин хүзүүндээ тавих нь сайн. Халуун усаар алчуураа норгож түүнээ базаад даруй хоолой дээрээ тавин хоёр үзүүрээс нь хойш татаж 2-3 минут байлга. Хүйтэн усаар мөн энэ жинг тавьж 5-6 удаа сэлгэж тавина.
