Анх тайзан дээр нүцгэлж байсан жүжигчин Анхням одоо ч гэсэн эротик кинонд тоглох санал ирвэл татгалзахгүй хэмээн ярьдаг. Царайлаг, бусдаас дутахааргүй бие хаатай жүжигчин бүсгүй хэд хэдэн кинонд нүцгэлж байсан удаатай. Анхнямын хувьд залуу насныхаа гоо сайхныг кинонд мөнхөлж үлдээхэд юу нь болохгүй гэж боддог аж. Тэрээр “нүцгэлнэ гэдэг бол хориотой зүйл биш.Энэ чинь ардчилсан улс шүү дээ.
Тэгээд ч урлагт бол энэ нь гоо сайхныг харуулж байгаа хэрэг” гэсэн бодолтой явдагаа ч нуулгүй хэлсэн. Түүхэн кинонд ч гэсэн чадварлаг тоглож чаддаг гэдэгээ “Гаадай Мээрэн” киноны гол дүрийг бүтээснээрээ харуулж чадсан юм. Сүүлийн үед түүний ганц бие амьдрал гэр бүл рүү шилжсэн бөгөөд одоо л өрх тусгаарлаж, айлын гэрийн эзэгтэй болох сурагтай.
Б.Урангоо
