…Аль ч зуунд залуу бүсгүйчүүд баян ханхүүтэй сууж, орд харшид амьдрахыг мөрөөдсөөр ирсэн билээ. Өнөөдөр ч мөн баян бизнесментэй аз жаргалаа турших гэсэн эмэгтэйчүүд олон байна. Гэвч баян хүнтэй суух мөрөөдлөө хэрэгжүүлсэн бүсгүйчүүд урьдчилан таамаглаагүй хүндрэл бэрхшээлтэй тохиолдох нь цөөнгүй аж. Жишээ нь нөхөртэйгээ харьцах, ойлголцоход асуудал үүсдэг байна. Учир нь юунд байна вэ?
– Сонгосон бүсгүйдээ өндөр үнэтэй тансаг бэлэг авч өгч байгаа баян эр үнэ төлбөргүй зүйл байдаггүйг мэдэх нэгэн. Иймэрхүү байдлаар тэрээр ирээдүйн эхнэрээ бараг худалдаад авч байгаа юм.
– Өөрийгөө хамгаалах чадвар, хүч чадал нь мэдээж хүндэтгэх чанаруудын нэг. Гэвч энэ чанар нь хожим нь эхнэрийн эсрэг хэрэглэгдэж болохыг үгүйсгэхгүй.
– Их мөнгөтэй хүмүүс юуны өмнө өөрийн бизнес болон гэр бүлийнхээ аюлгүй байдлын төлөө санаа тавьдаг. Үүнээс үүдэн ихэнх тохиолдолд эхнэрийн харьцах хүрээ үлэмж хумигдаж хязгаарлагдах нь бий.
– Мөнгө олох чадвар нь таны сонгосон эрд тодорхой хэмжээнд шаргуу, түрэмгий чанар байна гэсэн үг.
– Авъяаслаг бизнесмен гэдэг хүмүүсийг удирдаж чаддагийн илрэл. Гэр бүлд энэ нь эхнэрээ захирах байдлаар илэрч болно.
– Зорьсон зорилгодоо шаргуу байх нь бизнесмен хүний нэг гол шинж чанар. Харамсалтай нь ийм хүн гэр бүлийн харьцаанд дэндүү зөрүүд, өөрийнхөөрөө зүтгэдэг. Өөртөө итгэх итгэл муутай эсвэл итгэлгүй бизнесменийг төсөөлөхийн аргагүй. Бизнес мөн өөртөө итгэх туйлаас чухал чанар. Харин гэр бүлд өөртөө хэт итгэх итгэл эхнэрийн үзэл бодол, санал сэтгэлийг үл тоомсорлоход хүргэдэг.
– Бизнесменүүд эрсдэлээс айдаггүй. Эрсдэл нь их хэмжээний ашиг орлогоос гадна сүйрэл ч дагуулж байдаг. Тиймээс бизнесмений их мөнгө хормын зуур ч хийсэх боломжтой.
– Мөнгө хийдэг хүн бүх авъяас чадвараа энэ процесст зориулдаг. Сексийн амьдралд ч тэр бүр цаг зав гаргадаггүй. Сайхан ханхүүтэй суух хувьтай гэж үздэг, өөртөө байнга халамж, анхаарал шаарддаг эмэгтэйчүүдэд ийм байдал таалагдахгүй л болов уу. Тиймээс баян нөхрийг эрэхээс өмнө бүгдийг судалж, тооцоолсон байхыг бүсгүйчүүдэд зөвлөе.
