Үрчлээгүй хүн байдаггүй. Харин үрчлээний шинж тэмдэг 25-30 насанд улам тодорч эхэлдэг. Ингээд жил ирэх бүр үрчлээ улам гүн болж, нүүрийг ядарсан мэт харагдуулж эхэлнэ. Хэрвээ та өдөр бүр доорх энгийн дасгалуудыг хийвэл үүнээс ангижрах боломжтой. Доор заагдсан дасгалуудын тусламжтайгаар арьсан дахь цусны эргэлтээ сайжруулж, үхэжсэн эсээ арилгаж, арьсны бөх баг чанараа хамгаалж болно.
Духны иллэг.
Хоёр гарын хурууныхаа өндгөөр духныхаа дунд хэсгээс шанааруугаа чиглүүлэн тойрог хөдөлгөөнөөр иллэг хийнэ. Дараа нь баруун шанаанаасаа зүүн рүү, зүүн шанаанаасаа баруунруу чиглүүлэн 4-5 удаа тойрог хөдөлгөөнөөр илээрэй.
Зовхины иллэг.
Дээд, доод зовхио хурууныхаа өндгөөр болгоомжтой ил. Арьсаа бүү сунгаарай. Энэ нь маш хортой.
Хамрын иллэг.
Хамрыг долоовор, дунд хурууныхаа өндгөөр угаас үзүүр хүртэл илнэ. Дараа нь үүнийг эсрэг чиглэлд илээрэй.
Хацрын иллэг.
Зүүн гарын дөрвөн хуруу, баруун гарын дөрвөн хуруугаа амныхаа хоёр төгсгөлд тавиад, чихний дэлбээ хүртэл тойрог хөдөлгөөнөөр илнэ. Дараа нь үүнийгээ эсрэг чиглэлд илээрэй. Дасгалын 3-4 удаа давтана.
Хүзүүний иллэг.
Хүзүүнд даралтыг хэт мэдэрдэг бамбай булчирхай байрладаг тул иллэг хийж болохгүй. Тиймээс хүзүүнийхээ хоёр талаас цээж, мөр рүү чиглэлтэй зөөлөн илээрэй.
Ам, эрүүний хэсгийн иллэг.
Хоёр гарын дунд хурууг доод уруулын доор, эрүүний голд байрлуулаад доод уруулыг шүргэтэл хагас тойрог гаргаж илнэ. Энэ дасгалыг 3-5 удаа хийнэ. Эрүүний хэсгийг алганы ар талаар алгадаж, доод уруул хүртэл иллэг хийгээрэй.
Таван минутын дотор хийх нүүрний дасгал
1.Толины өмнө зогсоод “0” авиаг 30 секундын турш дууд. Дараа нь уруулаа зүрхэн хэлбэртэй болгон жимийгээд цагийн зүүний дагуу эргүүл.
2.Хөмсгөө өргөн, дээш хар. Энэ байрлалаараа 10 хүртэл тоолоод, суллаж, дахин эхэлнэ.
З.Эрүүгээ урагш сунгаж, булчингаа чангалан “иск’ хэмээх дууд.
4.Дээд, доод эрүүгээ нийлүүлэн, уруулаа баруун тийш сунган 10 хүртэл тоол. Дараа нь зүүн тийш сунгаарай.
5.Хэлээ гаргаад, эрүүгээ доош сунга. Биеэ суллаад, энэхүү дасгалыг дахин давтаж хийнэ.
