Хайртай залуугийнхаа эцэг эхтэй нь танилцах өдөр нэг л мэдэхэд болно. Сэтгэл догдлом энэ мөчийг бүсгүй хүн бүр хүлээдэг шүү дээ. Үүний сацуу юу өмсөх, юу ярих, биеэ хэрхэн авч явах зэрэг асуудалтай тулгарна. Мэдээж одоохондоо “зүс үл таних” хүмүүстэй уулзаж танилцахад тодорхой хэмжээний бэлтгэл шаардагдах нь зүй. Тиймээс ирээдүйн бэрд хэрэг болохуйц хэдэн зөвлөмж толилуулъя:
Нэг. Юуны өмнө эцэг эхийнх нь талаар мэдээлэлтэй байх. Жишээ нь тэдэнд юу таалагддаг эс таалагддаг, амралтын өдрийг хэрхэн өнгөрөөдөг, ямар хоолонд дуртай гэх мэтчилэн.
Хоёр. Ирээдүйн хадмууд чинь чамд (эчнээгээр) хэрхэн ханддаг болохыг мэдэх. Хэрэв чи эдгээрийг мэдвэл гэнэтийн зүйлд бэлтгэлтэй байна.
Гурав. Гадаад байдал, дүр төрх мөн мэдээллээс дутахгүй чухал. Хэт моодны эсвэл задгайдуу хувцаслах хэрэггүй. Энэ тохиолдолд сонгодог стилийн хувцас хамгийн тохиромжтой.
Дөрөв. Инээмсэглэл чиний гол зэвсэг. Эелдэг ялдам, эв дүйтэй байхыг хичээгээрэй. Гэртээ хэвших зуршлыг (бохь зажлах, хөлөө ачиж суух, тольдох) гэх мэтчилэнг энд мартаарай.
Тав. Хүүг нь магтахдаа бүү хэтрүүл. Хэм хэмжээгээ мэдэр.
Зургаа. Хэт ухаалаг, боловсролтой хүний дүр бүү эсгэ. Төрөлх занд чинь тохирохгүй ааш аяг бүү гарга. Амьдралын туршлагатай томчууд жүжиглэж байгааг чинь мэднэ. Хиймэл дүр төрхгүй байдгаараа бай.
Ирээдүйн бэрд өгөх зургаан зөвлөмж
Leave a Reply
Их уншсан
Санал болгож байна
