Сувд бол үнэнч амьдрал, хайр дурлалын үндэс бөгөөд ариун үнэнч байдлыг илтгэгч юм. Энэ чулуу гэр бүл, орон гэрийг бат бэх болгодог. Эртний Ромд шинэхэн хосод сувдан сондор бэлэглэдэг байсан эхнэр, нөхрийн үнэнч амьдралыг бэлгэдсэн утгатай байжээ.
Гэсэн хэдий ч сувд тийм ч сайн үнэт чулуу биш гэнэ.
Энэ чулуунд сарны сөрөг хүч агуулагддаг. Сувдыг болгоомжтой хэрэглэхгүй бол эзэндээ нулимс авчирч, итгэл найдвар алдагдуулж, хууран мэхэлдэг. Энэ чулуу таныг өөртөө итгэлгүй, зохион байгуулалтгүй хүн болгож мэднэ.
Сувд бол аюултай, өш хорсол санадаг чулуу. Үүнийг зөвхөн өөртөө итгэлтэй хүмүүс хэрэглэхийг зөвлөдөг. Ийм хүмүүс сувд зүүснээр нөхцөл байдлыг зөв ялган салгаж чаддаг. Энэ чулуу өөртөө итгэлтэй хүмүүсийг хэт сүсэг бишрэлээс ангижруулж, байгаа байдлыг зөв үнэлж, бусад хүнийг амархан танихад тус болно.
Сувд нь бардам, их занг дарж, алдаагаа засахын тулд өнгөрсөн зүйлсээ эргэн харах боломжийг олгодог. Энэ чулуу жуулчид, жүжигчдэд муу нөлөөтэй. Сувд ийм хүмүүсийн боломжийг хязгаарлачихдаг. Сувдны гайхамшигт хүч одоо болтол эрдэмтдийн анхаарлыг татсаар байна. Тиймээс та энэ чулууг сонгохдоо маш болгоомжтой хандах хэрэгтэй.