Хvн мөрөөдсөнөөрөө, эсвэл залбирснаар өөртөө итгэлтэй болдоггvйг бид мэдэх билээ. Өөрөө итгэлтэй болоход нөлөөлөх тодорхой хvчин зvйлс бvрдсэн байх ёстой гэнэ. Ихэнх хvмvvсийн хувьд өөртөө итгэлтэй болох энгийн арга бол өөрөө өөртөө зорилтууд тавин тvvндээ хvрэх нь чухал байдаг. Гэхдээ агуу зорилт тавих бус, харин аль болох энгийн хийж болчихоор боломжийн зорилт өмнөө тавих нь чухал юм. Yvнээс гадна өөрийн сайн чанаруудаа мэдэрч, vvнийгээ жагсаан бичээд өдөр болгон уншиж байх нь өөртөө итгэлтэй болоход өчvvхэн ч болов тусалдаг байна.
- Бэлгийн амьдралд өөртөө итгэлтэй байх нь … Хvний бэлгийн амьдрал болон өөртөө итгэлтэй байх нь хоорондоо салшгvй уялдаатай байдаг байна. Яагаад? Би нvцгэн байхдаа муухай байдаг гэж боддог хvн хайртай хvндээ нvцгэн харагдахдаа эвгvйцдэг нь өөртөө итгэл муутай байгаагийн тод жишээ. Тэгвэл та хайртыгаа сайхан урамтай vгээр магтвал ичингvйрч байсан таны амраг өөртөө улам итгэлтэй болно. Ер нь бэлгийн амьдрал нь хvн төрөлхтөний оршин тогтнох, vргэлжлэх нэгэн vндэс амьдралын салшгvй хэсэг гэдэгтэй бvгд санал нийлэх байх. Тэгвэл бэлгийн амьдрал болон өөртөө итгэлтэй байхтай холбоотой өөр нэгэн асуудал бол бэлгийн чиг хандлага юм. Ихэнх тохиолдолд бэлгийн өөртөө итгэлтэй бус байснаас vvсэх хандлага нь гомо болон лесби нар өөрсдийгөө бусдаас өөр гэдгийг мэдэрч ойлгосноор бусдад нvд vзvvрлэгдэх вий, хvмvvс энэ тухай нь мэдээд эвгvй байдалд орох вий гэх эмзэглэлээр сэтгэлийн байнгын дарамттай явдаг байна. Энэ нь тэдний өөртөө итгэлтэй байдалд сөргөөр нөлөөлж болно. Гомо, лесбичvvд өөрсдийгөө байгаагаар нь хvлээн зөвшөөрөх, ойлгодог хvмvvсийг олж авна гэдэг юунаас ч чухал байдаг байна.
- Дахиад л гадаад төрх ба үзэмж
Орчин vед хvнийг өмссөн зvvснээр нь угтах болж. Гэсэн ч сэтгэл хангалуун алхахад ганган дэгжин хувцасласнаараа шийддэг асуудал огт биш. Эрчvvд хvvхнvvдийн торомгор алаг нvд, хасын царай, өмссөн зvvснээс гэхээс илvvтэйгээр хэсэг хугацааны дараа л гэхэд таны өөртөө итгэлтэй байдал бусдыг аялдан дагалддаггvй, өөрийн гэсэн бодолтой, хvсэл тэмvvлэлтэй хэр ухаалаг гэдгээс чинь шалтгаалж соронзон мэт татагдах болно. Сайхан болох гэж хичээх буруу биш л дээ. Гэхдээ сайхан харагдах гэж их мэрийвэл өөрийгөө зовлонд унагана. Хvн болгоны бие махбодь, гадна төрх нь өөртөө зохисон онцлог, бусдын сэтгэлийг татам сайхан чанартай байдаг. Жинхэнэ гоо сайхан дотроосоо гэрэлтдэг гэдэг шvv дээ. Хамгийн гол нь чи л өөртөө сэтгэл хангалуун байх нь чухал. Хэн нэгэн чамд “Чиний тэр чинь онцгvй. Yvнийгээ өөрчилчихвөл ч ёстой…” гэдэг. Чи зvгээр л хэн нэгэнд таалагдах гэж мэрийдэг бол их том алдаа. Энэ нь өөрийнхөөрөө байж чаддаггvй, өөртөө итгэлгvй байгаагийн илрэл билээ. Ер нь тэгээд өөрийгөө vнэлдэг, өөртөө итгэлтэй хvн бусдад илvv сэтгэгдэл төрvvлж чадна гэдэгт найдвал зохино. 
Хэлбэрээ өөрчилснөөр өөртөө итгэлтэй болох уу? Чи өөрийнхөө ямар чанарт, юунд дуртай вэ? Мөн өөрөөсөө юуг хамгийн тvрvvнд өөрчлөхийг хvсдэг вэ? Мэдээж дургvй чинь хvрдэг бvх зvйлийг өөрчлөх боломжгvй шvv дээ! Тухайлбал өөрийн биеийн өндөр, хөхний эсвэл шодойн хэмжээ, нvдний болон арьсны өнгө зэргийг өөрчлөх боломж тун хомсхон. Тэгэхээр бодит байдалтай эвлэрч, өөрийгөө байгаагаар нь хvлээн зөвшөөрөхөөс өөр аргагvй. Гэсэн ч чи хичээвэл нэлээд олон зvйлсийг өөрчилж болно. Тухайлбал чи өөрийнхөө ярианд дургvй эсвэл алхаа гишгээ чинь хайнга гэж бодъё л доо. Тэгвэл чи vг яриагаа, алхаа гишгээгээ өөрчилж болно. Бага зэрэг мариатай бол хоолны дэглэм мөн хөдөлгөөнөөр жингээ хасаж болно шvv дээ. Орчин vед урлагийн одуудаас эхлээд жирийн нэгэн бvсгvй хvртэл гоо сайхандаа туйлын их анхаарах болж нэлээд олон зvйлсийг өнөөдөр мэс заслын аргаар өөрчилдөг болж. Нvдэндээ давхраа хийлгэх, хамраа өндөрсгөх, урууландаа болон хөхөндөө гель шахуулах гээд олно жишээ дурдаж болно. Гэхдээ эдгээр өөрчлөлт нь тухайн хvний өөртөө итгэлгvй гэдгийг л улам нотлохоос биш тийм ч их хvсэх зvйлс биш бөгөөд олон эрсдлийг агуулж байдаг. Ер нь тэгээд ч хиймэл юм гэдэг хэзээ ч жинхэнийг гvйцэхгvй шvv гэдгийг ойлгох хэрэгтэй байх. Тиймээс бид хэзээ ч давтагдашгvй нэгэн. Онцлогтой, хувь хvмvvс учраас бvгд өөр өөрийн гэсэн сайн болоод сул талтай байдаг. Энэ хорвоод өөр өөр байгаагаа хvлээн зөвшөөрөн, бусдыг дууриалгvй өөрийнхөөрөө байж, өөртөө итгэлтэй амьдрах л хамгийн чухал юм.
