-Гоо сайхны бүхий л бүтээгдэхүүн эрүүл мэндийг аажмаар хордуулдаг болохыг барууны эрдэмтэд тогтоосон гэнэ-
Их Британи, Америкийн эрдэмтэд, орчин үеийн биеийн шингэн саван, биеийн тос, үнэр дарагч, уруулын эмэгтэйчүүд олон төрлийн гоо сайхны бүтээгдэхүүн тогтмол хэрэглэснээрээ бие махбодио аажмаар хордуулан, мөхөлд хүргэж буйг анхааруулжээ. Гоо сайхны бүтээгдэхүүнд агуулагддаг элдэв химийн бодисууд бидний арьс, бие махбодид хуримтлагдсаар байдаг гэнэ.
Бараг бүхий л төрлийн шампунь, үс хэлбэржүүлэгч бүтээгдэхүүнүүд, үсний будаг, будаг, хумсны будаг зэрэг төрөл бүрийн гоо сайхны бүтээгдэхүүн бие махбодийн “чимээгүй алуурчин” гэдэгт мэргэжилтнүүд итгэлтэй байгаа аж. Энэ аюулд зөвхөн эмэгтэйчүүд голдуу өртөх нь ойлгомжтой. Учир нь эрчүүд гоо сайхны элдэв бүтээгдэхүүн харьцангуй бага хэрэглэдэг.
Химийн бодисууд багтраа, салст бүрхэвчийн үрэвсэл, хорт хавдрын эхлэлийг тавих бүрэн боломжтой байдаг. Тиймээс хэрэглэгчид найдвартай үйлдвэрлэгчдийн бүтээгдэхүүнийг сонгохын зэрэгцээ тогтмол хэрэглээнээс татгалзах нь зүйтэй аж. Тухайлбал, Их Британийн Кильскийн их сургуулийн эрдэмтэд үнэр дарагч шүршигчид агуулагддаг алюминий бодис хөхний хорт хавдар хоёр холбоотой болохыг тогтоосон гэнэ.
Гэтэл бараг бүхий л үнэр дарагч шүршигч болон суганы хөлс дарагчийн найрлагад уг бодис ордог байна. Биеийн үнэр дарагч шүршигч /дезодорант/-ийг тогтмол хэрэглэдэг эмэгтэйчүүдийн сүүний булчирхайн эдэнд уг бодис хуримтлагдсаар байдаг ажээ. “Алюминий, хорт хавдар хоёр холбоотойг батлан үзүүлэх шууд нотолгоо байхгүй ч холбоотой гэж хэлж болно.
Бид энэ талын судалгааны ажил явуулан бараг тогтоогоод байгаа. Цаашид судалгаагаа үргэлжлүүлнэ. Ямар ч тохиолдолд байгалийн гаралтай, цэвэр гоо сайхны бүтээгдэхүүн сонгох нь зүйтэй” гэж доктор Крис Эксли тайлбарлажээ.