Хов жив ярих:

Үргэлж хэн нэгнийг бусдад муу хэлж, шоолж ярих нь түүнд тийм ч сайн сэтгэгдэл төрүүлдэггүй. Харин ч энэ хүн өөрийгөө нэг эргэцүүлээд бодоосой хүн муу хэлж байна гэдэг бол арчаагүй л хүний зан гэх мэтээр бодож, тэр хүний танд хандах хандлага бага багаар буурч байдаг гэнэ.

Шунал:

Шуналаа дийлэхгүй бол хүнээ алдана гэдэг. Охид бүсгүйчүүд хүний сайхан чанарыг харж, өөрт нь хань болох, түшиг тулгуур болж чадах гээд олон давуу тал, хүнд байх хэрэгтэй зүйлийг эс тоон гагцхүү хөрөнгө мөнгө, хэтэвчинд нь дурлан араас нь нэхэл дагал болж хөөцөлддөг. Энэ нь дан ганц эрчүүд ч гэлгүй хэний ч дургүйг хүргэдэг.

Үглэж янших:

Нэгэнт ээж аавын гэрт олсон хүмүүжлийг та засаж залруулна гэж юу байх вэ. Тэдний алдаа дутагдлыг байнга шүүмжилж, зааж залруулж, үглэж яншаад байвал та өөрөө л нэр хүндээ алдана. Үглэж яншихын оронд хамт хийж, өмнүүр нь орон хийгээд үз. Тэр хүн ичих булчирхайтай, өндөр ухамсартай л бол залруулж л таараа. Хэзээ ч битгий үглэ, хатуу тэвчээртэй бай.

Арчаагүй байдал:

Залхуу, арчаагүй байдлыг эрчүүд ерөөсөө үзэж чаддаггүй. Өөрөө хийчих юман дээр хэн нэгнийг гуйх, эсвэл өглөө оройдоо хааяахан хэлүүлтгүй хоол хийхийн оронд чи өөрөө хий гэж хойш суух, бүр өөрөө ч замбараагүй, юм хум нь хамаа намаагүй энд тэнд байгаад байвал танийг ямаршуухан гэрийн эзэгтэй болох вэ, эсвэл ямар гэрийн эзэгтэй вэ гэдгийг тань харуулж байна. Эрчүүд тэвчээр муутай улс гэдгийг сайн санаж яв.

Хэт хардах:

Та түүнийг үргэлж дэргэдээ байлгахыг хүсэж байвал эрх чөлөөг нь өг. Цаг ямагт хорьж цагдаж, ямар нэг үндэслэлгүйгээр хардахад зэвүүцэж, зүгээр байхад гэсэн муйхар сэтгэл төрж байдаг хүмүүс. Хамаагүй тэгж хардах нь хурдан залхаан, холдоохын шинж болно шүү дээ.

Өчнөөн олон хувцастай байж өмсөх юм олдохгүй

Эмэгтэй хүний байнга шинэ юм авах хүслийг эрэгтэй хүн ойлгодоггүй. Зүгээр л найз хүүхнүүддээ гайхуулж, моод үзүүлж байна хэмээн дургүйцдэг байна. Яг үнэндээ эмэгтэй хүний хувцас сөрөг энерги их шингээдэг. Эхнэрийнх нь өмссөн цамц болгон хөндлөнгийн маш олон хүний солбисон харцанд өртөж, тэдний сайн муу олон энергиэр цэнэглэгддэгийг эрчүүд ойлгодоггүй. Тиймээс түүнийг дахин дахин өмсөхөд нь сэтгэл санаа нь тавгүйрхдэг байна. Ингээд л эмэгтэй хүн өөртөө итгэх итгэлээ олохын тулд байнга шинэ хувцас авах, хувцасаа солих шаардлагатай болдог байна.