Колумбаас гаралтай дуучин бүсгүй Шакираг Испанийн хөлбөмбөгийн тамирчин Жерар Пикетэй гэр бүл болсныг хүн бүр мэддэг биз ээ.
Тэд энэ оны нэгдүгээр сарын 22-нд Милан хэмээх хүүтэй болсон юм. Дуучин Шакира эх хүн, гэрийн эзэгтэй байх ямар сайхан зүйл болохыг Колумбын “Aló” сэтгүүлд өгсөн ярилцлагандаа дурсжээ. Мөн тэрбээр ойрын хугацаанд дахин хүүхэдтэй болох төлөвлөгөөтэй байгаа гэнэ. “Бид дахиад хүүхэдтэй болохыг үнэхээр их хүсэж байгаа. Мэдээж үүнийг төлөвлөхөд цаг хугацаа шаардана л даа. Гэхдээ хайртай хүмүүстээ цаг зав гаргаж тэднийгээ хайрлахын хажуугаар ажил мэргэжлээ зохицуулж аз жаргалтайгаар амьдарч байгаадаа би маш баяртай байгаа” гэжээ.
Түүний нөхөр Барселона багийн шилдэг тоглогч ч гэлээ хүүгээ спортоос илүү урлагт сонирхолтой хүн болох байх гэж найддаг гэжээ.
Тэрбээр “Хүү минь их өвөрмөц зан чанартай. Тэр надтай хамт дуу бичлэгийн студид байх дуртай. Анх очихдоо л дуртай байгаа нь мэдэгдсэн бөгөөд би тэр үед маш их баярласан. Тэр тэнд байхаараа л маш тайван, байх ёстой газраа байгаа юм шиг аашилдаг. Милан “Green Day” хамтлагийн дууг сонсох дуртай, гэртээ бол бяцхан рок од л гэсэн үг” хэмээн хүүгийнхээ талаар ярьжээ.
Б.Сондор
gogo.mn