Сайн байна уу сайхан бүсгүй минь

Сайн байна уу, сайхан бүсгүй минь.
Салхин доор чинь саатаж түр сууя.
Хайр, үнсэлт аль нь ч надад хэрэггүй,
Харц минь хүсэж байсан ч уруулын будгаа гамна.
Зүгээр л янгинах сэтгэлийг минь өвдөг дээрээ дэрлүүлж
Зүү утас сүвлэж ханзарсан зүрхийг минь нөх
Гурван алтан үгийг чихэн дээр минь шивэгнэ
Гунхсан цэцгийн дэлбээгээр эрхи зангидаж тайвшруул.
Харин хэн зүрхийг минь урсаныг бүү асуу,
Хаана сэтгэлийг минь тамласныг битгий лавла.

Энгэрт чинь наалдаж нэг л удаа мэгшие
Энэнээс цааш хилийн дээс алхахгүй ээ.
Сайн байна уу, сайхан бүсгүй минь?
Согтуу бишээ би мулгуу нэгэн байна.
Сормуусан дундуур чинь очис тээн шургасан мөртлөө
Сүмбэн хуруунд чинь бөгж болон үлдэж чадахгүй нь.
Оёж өгсөн зүрхний чинь заадлаар нь салхи сийгэж
Огт өвдөх сорвигүй ч сэтгэл минь хөндүүрлээд байна.
Нимгэхэн ч хиргүй алчууран дээр жаргалын хээ хатгаж
Намайг гэсэн ертөнцийг чи л урлаж чадах ч
Нар жаргахаас өмнө мориндоо би мордоё
Нил хар дурсамжаа богцлоод, нүглээн хөөж далдаръя.
Сайн байна уу, сайхан бүсгүй минь?
Аясын салхи навч хөлөглөн чамд энэ үгийг хүргэг
Амьдрал үхлийн эцсийн цэг дээр асуултанд чинь хариулъя.
Зүрхийг минь ханз татсан тэр л бүсгүй анх өөрөө эсгэж
Сүүдрээсээ ч цочих сэтгэлийг тэр л тээлгэж үүрүүлсэн юм.
Дахиж би үлгэрт итгэхийг хүсэхгүй
Дараа чамайг уйлж суухыг хармааргүй
Сайн сууж байгаарай, сайхан бүсгүй минь.

Зохиолч, продюсер, филантропич Ален Арман 2010/06/05

купить чехол для iphone 3gsdubai massage escortмикрозаймы для граждан снгсамостоятельное продвижение сайта


Сайн байна уу сайхан бүсгүй минь
Жиргэх
Манай хуудсанд LIKE дарж нэгдэнэ үү
Түлхүүр үгс: ,

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.