Уулын чинээ цагааныг туулайн чинээ хар дарна гэсэн үг бий. Сүүлийн хэдэн жилийн турш Бритни Спирс оддын өвчингөөсөө ангижирч, хоёр хүү болон найз залуу Жейсон Трэвикийнхээ хамт үлгэр жишээ гэр бүл шиг амьдарч буй билээ. Найз залуутайгаа мөдхөн гэрлэж, хөвгүүдээ ирээдүй бүжигчин болгохоор Бритни Спирс хичээж байгаа юм.
Гэтэл цагтаа Бритнигийн бие хамгаалагч байсан Фернандо Флорес гэнэт ном бичихээр авьяас билэгтэй болж, түүндээ Бритни Спирстэй амраглаж, зугаацаж байсан тухайгаа илэн далангүй бичнэ гэж сүрдүүлжээ. Одоогоор Бритни Спирсийн амгалан тайван амьдралд энэхүү сүрдүүлэг аюул тариагүй ч ирээдүйн эхнэрийнхээ өмнөх явдлуудыг номноос унших Жейсон Тревикт таатай байхгүй нь лавтай. Гэлээ ч Бритни Спирс одоогоор нам жим байна. Өөрийнх нь өнгөрсөн амьдралаар шуугиан тарьж, мөнгө олох гэсэн бие хамгаалагчийнхаа энэ үйлдлийг тэрээр хэрхэн хүлээж авч буйгаа олонд мэдэгдээгүй байна.
Р.Гэгээ /shock.mn/
