Замын цагдаагийн газар энэ сарын нэгнээс автозамын хөдөлгөөнд оролцож зөрчил гаргасан жолооч нарыг бЭлэн бусаар торгох шийдвэр гаргасан. Гэвч замын цагдаа нарт төхөөрөмжийг нь тараагаагүй байгаа учраас одоогийн байдлаар торгуулийн хэлбэр хэвээрээ байна.
Засгийн газрын хэрэгжүүлэгч агентлагаас сонгогдсон “Смарт солюшн” компаниас уг цахим төхөөрөмж /police caster”/-ийг нийлүүлэхээр болсон байна. Эхний ээлжинд 400 ширхэг төхөөрөмж аваад байгаа аж.
Уг төхөөрөмж нь халаасанд багтах хэмжээтэй, жолоочийн иргэний үнэмлэх, хурууны хээ, жолооны үнэмлэхийн аль нэгийг уншуулахад тухайн жолоочийн хувийн бүртгэлд нэвтэрч татвар, даатгалын төлөлт, үзлэг оношилгоонд хамрагдсан байдал зэргийг харах бүрэн боломжтой болж байгаа юм байна. Тасалбар хэвлэгч төхөөрөмжөөр зөрчлийн торгуулийг хэвлэж өгөх бөгөөд торгуулийг 14 хоногийн дотор төлөх ёстой. Торгуулийн мөнгийг аль ч банкинд тушааж болно.
