Энэ зөвлөгөөг Япон гаралтай Америкийн тэрбумтан хөрөнгө оруулагч, лектор Роберт Киосаки өгч байна. Тэрээр 15 гаруй номын зохиогч бөгөөд “Баян аав, ядуу аав”, “Мөнгөний урсгал” зэрэг номууд нь монгол хэлээр орчуулагдан гарсан билээ. Түүний зохиосон эдгээр номууд дэлхийн томоохон сэтгүүл болох “Wall Street Journal”, “USA Today”, “The New York Times”-аас гаргадаг бестселлер номын жагсаалтыг тэргүүлж байсан аж. За ингээд Роберт Кийосакигийн өгсөн ажил хэрэгч зөвлөгөөг таалан уншина уу.
Тэрээр “Азгүйчүүд л өөрийгөө өмөөрч бусдад гомдоллож явдаг. Тийм болохоор өөрийн сул талаа бусдад бүү харуул. Тэгж чадвал таны эрхэлж буй аливаа бизнес өргөжин тэлэх боломжтой болно. Өөрийгөө өмөөрөх нь өөрөө өөртөө худал хэлж байгаагаас ялгаагүй зүйл юм. Тийм болохоор өөрийгөө зөвтгөх нь таны ирээдүйн амжилтын дайсан гэж ойлгох хэрэгтэй. Харин алдаан дээрээсээ суралцах хэрэгтэй бөгөөд ингэж чадвал дараагийн удаа та алдах нь багасч ашиг орлого чинь нэмэгдэх болно. Ер нь анзаарч байхад сул дорой хүмүүс л өөрийгөө өмөөрч, бусдад бурууг тохдог” гэж Роберт Киосаки зөвлөж байна. За ингээд өөрийгөө өмөөрөлгүйгээр ажлаа хийж байгаа хүмүүсийн өнөөдрийн ажилд нь амжилт хүсье.
http://businessnews.mn
