Сургууль, гудамж, талбай, олон нийтийн газруудад өвчин үүсгэгч нян их байдгийг бид бүгдээрээ мэддэг. Харин гэрийн чинь зарим нэгэн эд зүйлүүдийн эргэн тойронд тэр олон нийтийн газарт байгаагаас илүү их нян үржиж байдаг гэнэ.
1. Гал тогооны угаалтуур
Ихэнх хүмүүс гэрийн нөхцөлд хамгийн их бохирдолтой, нян үрждэг газар бол 00-ын өрөө гэж боддог. Гэтэл яг үнэндээ тийм биш харин ч гал тогооны өрөө түүнээс ч илүү бохир байдаг гэнэ. Аяга таваг угаагч порлон нь нян бактерийг үй түмээр нь үржүүлдэг. Чийглэг газар болон угаагдаагүй үлдсэн хоолны жаахан л үлдэгдэл нян үржих бололцоог бүрдүүлдэг. Аяга таваг хатаагуур, угаалтуур нь нян үржих хамгийн таатай газар гэнэ. Тийм учраас өдөр бүр гал тогооны угаалтуураа хоолны хэлтэрхий төдий ч зүйл үлдээргүйгээр маш сайн цэвэрлэж байх хэрэгтэй бөгөөд 7 хоногт 1 удаа угаалтуураа болон ойр хавийнх нь зүйлүүдийг ариутгагч бодисоор цэвэрлэх хэрэгтэй.
2. Телевизерийн удирдлага
Өвдөөд гэртээ өнжсөн үедээ бид яадаг билээ? Буйдан дээрээ налайж суугаад ТВ үздэггүй гэж үү. Шалан дээр хэвтсэн, ханайж найтаахад бай болсон, гэрийн бүх хүн хүссэн үедээ бохир гараараа барьсан удирдлагыг бид ашигладаг. Удирдлага бараг цэвэрлэгддэггүй учраас удирдлагын эргэн тойрон нян үй түмээрээ эргэлдэж байдаг. Тиймээс аль болох гараа угааж цэвэрлэсний дараа удирдлагаа хэрэглэж байх, 7 хоног бүр спиртэн суурьтай ариутгагчаар арчиж байх хэрэгтэй.
3. Шүдний сойз
Шүдний сойз үргэлж чийглэг байдгаас гадна хэрэглэсний дараа мөн л чийглэг газарт тавигддаг. Чийгтэй газар нян үржих нөхцөл бүрддэг учраас шүдээ дахин угаах хүртэл чийгтэй шүдний сойзонд ихээхэн хэмжээний нян наалдсан байдаг. Шүдээ угаалаа, сойзоо тавилаа, нян үржлээ… Шүдээ дахиад угаалаа… нян үржсээр… Ингээд байлгаад л байх уу? Тэгэхээр яах ёстойг хэлье. Сойзоо угаалгын өрөөндөө биш, унтлагынхаа өрөөний тольтой ширээ ч юмуу, аль болох хуурай газар тавьж байх хэрэгтэй. Мөн амаа угаахаасаа өмнө ам зайлах шингэнийг хэрэглэж шүдний сойзоор дамжин амруу орох бактеруудыг устгах хэрэгтэй. Түүнчлэн шүдний сойзоо 2-3 сар болгоод сольж заншаарай.
4. Гал тогооны ширээ
Их ажлын дараа гэртээ ирээд сандал дээрээ налайж суугаад хөлөө ширээнийхээ булан тохойд тавиад хэсэг ч гэсэн сайхан амардаггүй гэж үү? Ширээгээ тэр бүр арчиж, угааж цэвэрлэдэггүй, дээр нь ингээд суучихаар нянгууд ямар их баярладаг болоо. Одоо мэдсэнээс хойш больё тэхүү. Угааж эхэлцгээе. Гутлаа ямагт үүдэнд тайлах хэрэгтэй. Тэгээд цай, хоол иддэг, кофе уудаг тэрхүү ширээгээ байнга цэвэрхэн байлга.
5. Компьютерийн гар
Компьютерийн гар барагтай л цэвэрлэгддэггүй учраас түүний эргэн тойронд нян, бактер тоймгүй олноороо байдаг. Компьютерийн гарны жижиг ч гэсэн нүх сүв бүхэлдээ л бохирдолтой гэсэн үг. Бид мэдээж компьютерийн гарыг усаар угааж болохгүйгээс хойш гарыг ариутгагч бодисоор арчих, компьютерээ ашиглахаас өмнө гараа сайн угаах, ойр орчимд нь найтааж, хоол ундны зүйл идэхгүй байх хэрэгтэй.
