Нью-Йоркийн Сиракузийн их сургуулийн эрдэмтдийн баталснаар насан туршийнхаа хайрыг тавхан хоромд олох боломжтой гэнэ. Хэрвээ таны дурлал бүтвэл шүү дээ. Энэ утгаараа дурлал хар тамхи шиг хурдан үйлчилгээтэй, донтуулагч хэмээн “The Daily Telegraph”-т бичжээ. Тухайн хүнийг харснаас хойш хэдхэн хормын дотор дурлалын дов толгоон эхэлж, тархины 12 хэсгийг “эзлэн” авснаар цусыг “хөөргөн баясгана”. Ингэснээр цусан дахь окситоцин, допамин, адреналин, вазоп рессин дааврын хэмжээ ихсэж толгой эргэх, бөөлжис цутгах, нүүр улайх, зүрх хүчтэй цохилох зэрэг янз бүрийн шинж тэмдэг илэрнэ. Гэхдээ хэнийг хайрлаж байгаагаас шалтгаалан тархины өөр хэсэгт мэдээлэл хүрдэг аж. Тухайлбал, эхийн хайрыг мэдрэх үед дунд тархинд мэдээлэл очдог бол эсрэг хүйстнээ хайрлахад олон хэсгийн үйл ажиллагаа идэвхждэг гэнэ. Түүнчлэн дурласан хүний цусанд уураг ихээр агуулагддаг нь судалгаагаар нотлогджээ.