Телевизийн алдарт хөтлөгч Опра Уинфри бол дэлхий дээрх олон охид эмэгтэйчүүдэд урам зориг хайрласан гайхалтай эмэгтэй билээ.
Тэрбээр өөрийнхөө ток шоугаар дамжуулан хүмүүст тусалж олон гайхалтай зүйлсийг хийж бүтээсэн нэгэн. Хэдийгээр Опра Уинфри гайхалтай бизнес, хувийн карьерийнхаа хувьд амжилттай яваа чадварлаг эмэгтэй ч гэлээ хувийн амьдалынхаа хувьд хаалттай тэрээр бизнесмэн Стедмэн Грэхэмтэй сүй тавиад 21 жил болсон гэнэ.
Тэд 1992 онд сүй тавьсан ч одоо хүртэл хуримлаагүй байгаа юм. Харин Опра Уинфри, Стедмэн Грэхэм нар өнгөрсөн оны арванхоёрдугаар сард ӨАБНУ-ын анхны хар арьст Ерөнхийлөгч Нельсон Мандела агсны оршуулгад хамтдаа очжээ. Оршуулгад очсоны дараа Стедмэн Грэхэм сүйт бүсгүйгээсээ хоёр дахь удаагаа гэрлэхийг гуйхаар шийдсэн гэнэ.
Учир нь Опра Уинфри Нельсон Манделаг шүтэн биширдэг байсан бөгөөд оршуулгын үеэр ихэд гуниглажээ. Энэ үеэр Стедмэн Грэхэм амьдралынхаа үлдсэн хугацаанд сүйт бүсгүйгээ ханиа болгохоор шийдсэнээ хэлсэн байна. Тэрбээр Опра Уинфригийн 60 насны төрсөн өдрөөр /нэгдүгээр сарын 29/ гэрлэх саналаа тавих гэнэ.
