“Гранд” сэтгүүлээс хоёр дахь жилдээ “Гранд Леди”-нүүдийг тодруулах гэж байна. Энэхүү шалгаруулалтын “Хүмүүнлэгийн үйлстэн Леди”–д дөрвөн бүсгүй өрсөлдөж байгаа аж. Тэдний нэг нь Монголын нийгмийн шинэ үзэгдэл болсон “Ажигана” группын ерөнхийлөгч Эрдэнэчулууны Туул. Түүний Хүчирхийлэлийн эсрэг төв, асрамжийн цэцэрлэгүүд, дүүргүүдийн өрх толгойлсон эмэгтэйчүүд, хөгжлийн бэрхшээлтэй иргэдэд бодитоор тусламж үзүүлэхдээ сар бүр тогтмол хуваарьтай, чиглэсэн зорилготой үйл ажиллагаа явуулдагийг нь “Гранд” сэтгүүл онцолжээ.
Тус сэтгүүлээс онцолсон бас нэгэн хүмүүнлэг үйлстэн бол “Шинэ үе” продакшны жүжигчин Гончигийн Ундармаа. Тэрээр “Ард Аюуш” ажил хэрэгч хөтөлбөрийн хүрээнд хөрөнгө хандив цуглуулж Улсын клиникийн нэгдүгээр амаржих газарт аавуудын өрөөг тохижуулсан. Үүнийхээ төлөө тус хөтөлбөрийн ялагчаар тодорсон төдийгүй Эрүүл мэндийн яамны хүндэх жуух бичгээр шагнуулсан юм. Харин одоо түүнийг “Гранд” сэтгүүл “Гранд Леди”-гээр онцлоод байна. Тэднээс гадна “Үндэсний цэцэрлэгт хүрээлэн”-гийн дарга Б.Саранчимэг, “Валиент арт” төвийн захирал Элизабет Коппа нар нэр дэвшижээ. Харин тэдний хэнийг нь “Хүмүүнлэг хатагтай” хэмээхийг ард түмэн сонгоно.
А.Санчирмаа.Factnews.mn