Эртний индианчууд өөрсдийн овгийн билэгдэл болгож шивээс хийлгэдэг байсан тухай мэдээлэл байдаг. Шинжлэх ухааны хэлээр бол арьсны дерма буюу жинхэнэ давхрын өнгөц хэсэгт гадны нөлөөгөөр ямар нэгэн будагч бодисны хуримтлал хиймлээр үүссэнийг хэлдэг. Өөрөөр хэлбэл арьсны давхаргад арилдаггүй бэх ашиглан пигментийг өөрчлөх замаар хийсэн биений өөрчлөлтийн хэлбэрийг шивээс гэнэ. Сүүлийн үед охид залуус шивээсийг биен дээрх урлаг хэмээн сонирхож, их хийлгэдэг болсон. Тиймээс шивээс арилгаж болдоггүй учир биеийнхээ аль хэсэгт, ямар шивээс хийлгэхээ сайн бодож үзээрэй. Залуус өөрийн шүтэн биширдэг хүн, дотоод сэтгэлийн илэрхийлэл, өөрийн онцлогт тохирсон шивээснүүдийг хийлгэдэг.
Найз залуугийн нэр
Хүн дурласан эсвэл хамгийн их үзэн яддаг хүнийхээ нэрийг шивүүлдэг. Харамсалтай боловч ийм дурлал удаан үргэлжилдэггүй нь үнэн. Хамгийн ил тод жишээ бол Анжелина Жоли. Тэрбээр Брэд Питтэй учрахаасаа өмнө Холливуудын томоождоггүй эр Билли Боб Торнтонд ухаангүй дурлаж, нэрийг нь хүртэл шивүүлж байсан билээ. Ийм шивээс удаан амьдрах чадваргүй байдаг.
Сэтгэгдэл
Сэтгэгдлээ арьсан дээрээ шивүүлэхдээ алдаатай бичих нь хамгийн тэнэг хэрэг. Жүжигчин, Хейден Панеттиер “Харамсах зүйлгүй амьдар” гэсэн санаагаа итали хэлээр шивүүлэхдээ алдаатай бичүүлжээ.
Гадаад үг
Дуучин Рианнагийн хүзүүн дээрх “Rebelle Fleur” шивээс франц хэлний “rebel fleur” буюу “Дуулгаваргүй цэцэгхэн” гэсэн утгатай үгийг буруу галигласнаас хувь тавиланг нь өөрчилсэн гэлтэй. Тиймээс гадаад үг шивүүлэхдээ төрөлх хэлтнээс үгийн утга, бэлэгдлийг тодруулахаа бүү март.
