Технологийн аваргуудын нэг Apple компани сар хүрэхгүй хугацааны дараа шинэ iPhone-ний талаар мэдээллийг олон нийтэд ил болгоно. Гэтэл цуу яриа хурдтай газар авдаг тул Хятадаас утасны талаар сонирхолтой мэдээлэл цацжээ. Ямартай ч шинэ утасны дэлгэц нь 4,7 ба 5,5 инч гэсэн хоёр сонголттой. Мөн дэлгэцийг индранилаар хийх гэнэ.
Ингэснээр “iPhone” хамгийн өндөр нягтралтай дэлгэц бүхий ертөнцийн хоёр дахь ухаалаг гар утас болох юм. Сонирхолтой нь Apple энэ удаад өвөрмөц дэлгэцээ “GT Advanced Technologies” компаниар хийлгэж байгаа гэнэ.
Үүний өмнөх “Ретина” хэмээх өндөр нягтралтай дэлгэцээ Apple өөрсдөө үйлдвэрлээгүй, Самсунг болон LG компаниуд үйлдвэрлэсэн. Ямартай ч “GT Advanced Technologies” компаний Аризонад байрлах үйлдвэрт хэдэн сая утас үйлдвэрлэхэд хангалттай их хэмжээний индранилийн нөөц бий.
Одоогийн байдлаар Apple индранил буюу биндэрьяа эрдэнээр камерийн линз үйлдвэрлэдэг. iPhone 6 утас биндэрьяа эрдэнээр хийсэн дэлгэцтэй, анхны утас болох юм.
Үүнээс үзэхэд “Алим”-ны дараагийн загвар 1440 мегапиксел нягтралтай болж магадгүй. Энэ нь нэг инч талбайд 441 пиксел ноогдоно гэсэн үг бөгөөд тэдний хамгийн сүүлийн загвар болох “iPhone 5S”-ийн хувьд нэг инч талбайд 326 пиксел байдаг.
Харин хамгийн өндөр нягтралтай утас нь Google компаний өнгөрсөн онд бүтээсэн “Nexus 5”. Энэ утасны нэг инч талбай 445 пиксел нягтралтай. 4.7 инчийн дэлгэцтэй бүтээх “iPhone”-ий хувьд дэлгэц нь бараг 1080 пиксел нягтралтай болно гэсэн үг юм. Тэгэхээр арай том дэлгэцтэй хувилбар нь бага нягтралтай байх магадлалтай.