Хүүхнүүдийн ганц бие явах болсон шалтгаан нь янз бүрийн хүчин зүйлсээс шалтгаалдаг байна. Нөхөрт гарахгүй байя гэсэн бодол нь хүүхэд ахуй үед нь төлөвшсөн байж болох юм.
Тухайлбал ядуу гэр бүлд өссөн, эцэг нь хаяад явсан, өөрийн хүчээр бүхнийг босгож хэн нэгний хараат бус хүн болох гэсэн хүсэл эрмэлзэлтэй холбоотой байдаг байна. Энэ зүйл ангид багтах бүсгүйчүүд маань ихэвчлэн карьер хөөж, ажил алба, хувийн бизнестээ илүү их анхаарлаа хандуулдаг.
Тэдгээр эмэгтэйчүүд мөнгө төгрөгтэй холбоотой ажилд цаг заваа зарцуулахад бэлэн байдаг.
– Эрчүүдтэй болзсон үедээ мөнгөө төлөх чадвартай байдаг. Энэ нь ч өөрт нь таатай байдаг ажээ.
– Ганц бие эмэгтэйчүүд сексийн харьцаанд цорын ганцхан хүүгээ хүлээгээд суугаад байдаггүй. Харин өөрт нь таатай партнёрыг идэвхтэй эрж хайдаг.
– Гэхдээ тэдгээр эмэгтэйчүүд заавал бүх насаараа ганцаараа үлдэх ёстой гэсэн үг биш юм. Хэрэв хийж буй ажил, хөгжиж дэвшихэд нь саад болохооргүй эр хүн тааралдвал түүнтэй хувь заяагаа холбож, хүүхэд төрүүлэхээсээ татгалздаггүй.
Хэрэв ийм зүйл тохиолдох аваас энгийн нэгэн эмэгтэй болж хувирдаг хэдий ч түүний хувийн сонирхлын хүрээ нь хэзээ ч гэр бүлийн асуудлаар хязгаарлагдахгүй.
– Тэднийг анх зэрвэсхэн харахад ер бусын нэгэн мэт санагддаг.
– Нэг л өглөө орноосоо босч ирээд: “Бурхан минь ингэхэд би юу болж байнаа аа? Хэдий болтол ингэж явах ёстой гэж?” хэмээн бодож эхэлдэг.
– Амжилтанд хүрсэн эмэгтэйчүүдийн хувийн намтрыг унших дуртай байдаг.
– Биеэ даасан эмэгтэйчүүд эрчүүдийн дээрэлхүү, бардам занг тэвчиж чаддаггүй тул нөхөрт гарах сонирхол нэг их төрөөд байдаггүй ажээ.
