ЛОНДОН. /ВВС/. Амьдралын хэв маягаа өөрчилснөөр эхний жирэмслэлтдээ үр зулбах эрсдэлийг дөрөвний нэг гаруй хувиар бууруулах боломжтой болохыг Данийн судалгаа харууллаа.
Жирэмсэн байхдаа өдөр бүр 20 гаруй кг жинтэй юм өргөж, хэт таргалах эсвэл турах нь үр зулбах эрсдэлийг нэмэгдүүлдэг гэж судлаачид мэдэгдсэн юм.
Мөн жирэмсэн байхдаа согтууруулах ундаа хэрэглэж, шөнийн цагаар ажилладаг байсан 30-аас доош насны эмэгтэйчүүдийн үр зулбах эрсдэл өндөр байдаг аж.
Судалгаанд 91427 эмэгтэй хамрагджээ.
Их Британид хөл хүнд долоон эмэгтэй тутмын нэг нь үр зулбадаг гэдэг статистик тоо байна.
Г.Доржханд
МОНЦАМЭ
