“Камертон” хамтлагийн дуучин Мээдээ сар шинийн өдрүүдэд ээж, эмээдээ золгон ногоотой буузаа идсэн шиг шинэлжээ. Учир нь Мээдээ олон жилийн өмнө цагаан хоолтон болсон бөгөөд ийнхүү сар шинээр ах дүү нарынхаа хамт эмээгийндээ цуглаж, ногоотой буузаа идэж өнгөрүүлдэг аж. Ер нь ч тэгээд махны үнэ тэнгэрт хадсан эдгээр өдрүүдэд түүний энэ сонголт хаа, хаанаа тун оновчтой байсныг гэрийнхэн нь сайшаасан байна. Дашрамд сонирхуулахад, түүний аав нь Сүхбаатар аймгийн уугуул бөгөөд сүүтэй гурилтай шөлийг тун чадварлаг хийдэг гэнэ. Мээдээ маань ийнхүү аавынхаа сүүтэй гурилтай шөлний амтанд орж, цагаан хоолтон болсон аж. Түүнчлэн зуны амралтаа Сүхбаатар аймагт өнгөрүүлдэг байсан дуучин залуу маань муухан малчнаас дутуугүй хөдөөний амьдрал мэддэг төдийгүй тараг бүрж, айраг исгэж чаддагаа найзууддаа гайхуулаад амжжээ. Үүгээр ч зогсохгүй хурдны морь унаж, сунгаанд уралддаг байсан ч мөч урттай болохоороо цөөхөн жил уралдсан гэнэ.
Х.Өнөр /yanaa.mn/
