Үндэсний бөхийн аваргуудын ийм нэгэн сонирхолтой гэрэл зураг facebook хуудаснаа нийтлэгджээ. Монгол бөх группийн онцолсон эл зураг усан луу жилийн сар шинийн барилдааны үеийнх юм. Улсын цэл залуухан аварга, үндэсний бөхийн хамгийн уран барилдаантай хүчтэн хоёр битүүний барилдаанд зодоглосон бөхчүүдийн өнгийг шинжиж суугаа нь энэ биз ээ.
Эр бяраа гайхуулах хүчтэний дэвжээгээ орхиод удаж буй даян аварга А.Сүхбатыг дахиж барилдах болов уу гэсэн хүлээлт ард олноос нэгэнт холдсон бололтой. Харин хайртай бөхийнхөө ийм төрхийг санагалзан суудаг бөх сонирхогчид түүнийг жилдээ цөөхөндүү ингэж “Бөхийн өргөө”-нд саатахад нь баярлан угтдаг. Хүрэн дээлтэйгээ үзэгчдийн сэтгэлд харагддаг А.Сүхбат аварга өнөө жилийн сар шинээр хүннү дээлээр гоёж, бусдын жишгийг дагажээ.
Б.МАРАЛ /yellownews.mn/
