“Disney” кино компанийн бүтээл “Frozen” дэлхийн кино зах зээлээс олсон орлого нь нэг тэрбум ам.долларт хүрч, бүх цагийн үеийн хамгийн их ашиг орлоготой анимешнаар тодорлоо. Мөн бүх цаг үеийн хамгийн их орлого олсон кино жагсаалтын эхний 10-т бичигдэж эхэллээ. “Frozen” анимешн нь хойд Америкийн дотоодын кино зах зээлээс 398,4 сая ам.доллар, олон улсын зах зээлээс 674 сая ам.долларыг олсон байна. Өмнө нь бүх цаг үеийн хамгийн их ашиг орлоготой анимешнаар “The Lion King” нэрлэгдэж байсан юм. Харин “Disney” кино компанийн анхны нэг тэрбум ам.долларын давсан орлоготой кино “Frozen” болж байгаагаар онцлог юм байна.