Сайхан үстэй болохын тулд үсний угаалтаас эхэлнэ. Тиймээс  үснийхээ байдлыг тодорхойлоод тохирсон шампунийг сонгох нь чухал. Угаасны дараа чанга арчиж болохгүй. Харин толгойндоо хурууны өндгөөр массаж хийвэл зохимжтой. Ер нь үсийг байхуу цайгаар угаавал унадаггүй аж. Хэт тослог үсэнд өвс ногооны найрлага орсон шампунь бэлдмэлээр угаах нь тохиромжтой. Үсээ угаахын өмнө тохирсон шампунь, бэлдмэлийг зөөлөн үстэй сойзоор, эсвэл хөвөнгөөр хуйхандаа түрхэж үс, хуйхны тослогийн байдлаас шалтгаалан өнжөөд юмуу долоо хоногт хоёр удаа самнаж угаахыг мэргэжилтнүүд зөвлөж байна. Түүнчлэн ардын эмчилгээний аргыг хэрэглэж болно. Тухайлбал, хуурай гичийн уусмал үсний тослогийг багасгадаг.Литр усанд хоолны халбага хуурай гич хийж бэлтгээд толгойгоо савандалгүй зайлж угаах, орой хуйхандаа тараг түрхэж, алчуураар боож хоноод өглөө нь угаавал сайн.
Мөн өвсний хандыг хэрэглэх.  Ийм ханданд арьс цэвэршүүлэх бодис, янз бүрийн витамин, эфирийн тос, давирхайлаг бодис ордог тул үсний тослогийг багасгаж, үс бэхжүүлэх чанартай.Түүнчлэн дэвтсэн халгайг шилэн саванд хийж, далд ортол нь архи хийгээд 15 хоног байлгана. Дараа нь архиа шүүж аваад түүнийгээ өдөр бүр хуйхандаа түрхэх хэрэгтэй.