Аавыг минь архи битгий уулгаарай. ..

Ард олноороо архинаас татгалзъя. Аз жаргал руу хамтдаа зүтгэе.

Архидалтын эсрэг тэмцэл бол хүмүүнлэг тэмцэл байх ёстой.

Энэхүү тэмцэл нь хүний нэр төр, эрхэм чанар, нууцлалтыг хадгалж хүний эрхийг хүндэтгэсэн хууль эрх зүйн орчинг бүрдүүлж, нийгмийн үйлчилгээг хэрэгжүүлж байж үр дүнгээ өгч олон хүнийг хамарч чадна.

Архинд орсон хүн ганцаараа энэ донтох өвчнөөс гарч чадахгүй. Түүнд гэр бүл ойр дотны хүмүүс, хамт олон, сайхан сэтгэлт эмчийн тусламж дэмжлэг заавал хэрэгтэй.

Монгол улсад архины асуудалгүй гэр бүл байхгүй болсон нь ард иргэд бидний сэтгэлийг эмзэглүүлж байна.

Он гарсаар 34000 хүн Улаанбаатар хотод эрүүлжүүлэгдсэн байна. Өчигдөр оройн байдлаар нийслэлийн хэмжээнд 98 хүн эрүүлжүүлэгдсэн тухай албан мэдээ байна.

Иймд төр ба төрийн бус байгууллагууд, донор, хандивлагчид, хувийн хэвшлийнхэн бүгд нэгдэж нийгэм, хамт олонд суурилсан эрүүл мэнд, боловсролын цогц хөтөлбөрийг хэрэгжүүлж байж согтууруулах ундаа, мансууруулах бодист донтох эмгэгийг бууруулж чадна.

Алаг нүдэн охиндоо
Аав минь та архи уулгүй ирээрэй .

Аавдаа хайртай шүү.. .

С.Пүрэвсүрэн