Ноолууран эдлэлийг өмсөхөд маш дулаахан байдаг. Харин энэхүү дулаан хувцасыг хэрхэн яаж цэвэрлэхийг та мэдэх үү. Бохирдсон бүтээгдэхүүнийг цэвэрлэж мэдэхгүй хүмүүст дараах зөвлөмжийг хүргэж байна.
*Ноос ноолууран эдлэлийг дотор талыг урвуулж угаах ба хадгална.
*Эдлэлийг хэтэрхий бохирдож хуучруулалгүйгээр гараар угааж болно.
*Ноос ноолууран эдлэл угаадаг зориулалтын угаалгын бодис хийсэн бүлээн усанд угаавал сайн. Жишээ нь нялх хүүхэд усанд оруулах хэмийн хийж дэвтээнэ.
*Үрж угаах буюу мушгиж огт болохгүй. Угаахдаа хир буртагийг нь арилтал зөөлөн базна. Харин 30 хэмийн усанд гараар угаана.
*Угаалгын бодисыг бүрэн арилтал цэвэр усаар сайтар зайлна.
*Усыг нь базаж авна. Мөн угаалгын машинаар зөөлөн сэнсдэж хатааж болно. Цайруулагч болон химийн бодис хэрэглэж болохгүй.
*Дэлэзж хатаана. Ноолууран эдлэлийг нойтон чийгтэй байхад нь хатаах болон сунгаж огт болохгүй. Хэрэв чийгтэй байхад нь сунгаж, хатаавал буцаж хэлбэрт нь оруулах ямар ч боломжгүй.
*Нарын гэрэлд мөн халаагуурын шууд тусгалд бүү тавь.
Ердийн индүүгээр индүүдэж болохгүй. Харин сайн чанарын байлгаж уурын индүүгээр эдлэлийг дотор талаас нь “Уураар жигнэн” эдлэлээсээ нэг см орчим хөндий зөвхөн уураар нь индүүднэ.
*Та ноос ноолууран бүтээгдэхүүнийг цэвэрлэж чадахгүй тохиолдолд хуурай хими цэвэрлэгээнд өгч болох юм.
