“UBS” телевизээс жил бүр уламжлал болгон зохион байгуулдаг “Universe Best Songs” наадам дөрөв дэх жилдээ үзэгчдэд хүрэж байгаа. Үзэгчдэд хүрэх хүртээмж, оролцогчдод өгөх өгөөж арвин уг наадам хэлд орсон балчираас эхлээд тэтгэвэрт гарсан хөгшдийг хүртэл байлдан дагуулаад буй. Энэ ч утгаараа жил жилийн наадамд оролцох хүсэлтэй залуусын тоо өсч хамрах цар хүрээ нь тэлсээр байна. Тус наадам дуулах сонирхолтой хэн бүхний өмнө үүд хаалгаа нээлттэй байлгадаг ба мэргэжлийн гэж тусгаарладаггүй билээ. Тиймдээ ч өмнөх наадмуудын хүрээнд “Мотив”, “S4” зэрэг рок поп урлагт аль хэдийнэ хөл тавьсан авьяаслаг хамтлагуудад бусад оролцогчдын адил нэгэн ижил боломжыг олгосон. Тэгвэл энэ жилийн наадмын хатуу, чангахан оролцогчдын нэгд яах аргагүй поп дива Б.Сарантуяагийн гарын шавь залуу дуучин Л.Насанбуян нэрлэгдэнэ. Тэрбээр өмнө нь “Оддын эрэлд” тэмцээнд тун амжилттай оролцсон төдийгүй СУИС-ыг мэргэжлийн дуулаачаар төгссөн “Баян Монгол” чуулгын авьяаслаг залуу уран бүтээлч билээ. Гэсэн ч өөрийнхөө дуулах авьяасыг бүрэн мэдхээр “Universe best songs-2012” уралдааныг зориглон оролцож байгаа түүнд багш Сараа нь ихээхэн итгэл хүлээлгэж суугаа гэсэн. Мэдээж Насаа эхний шатандаа төвөггүй тэнцсэн. Харин шүүгч Б.Амархүү түүнээс “Насаа чи дараагийн шатууддаа өөр гоё гоё хүрэм олныг өмсөх үү, тэгвэл би лав чамайг тэнцүүлнэ” хэмээн амлав. Мэдээж авьяасын тухайд асуудалгүй түүнээс ийм л зүйлийг шүүхээс өөр юуг ч шүүх билээ дээ.
А.Санчирмаа.Factnews.mn