Хятадын томоохон хотуудын дэлгүүрийн лангуунаас “Red Bull” гэдэг хүчний ундааг хураан авчээ. Учир нь энэ ундаанд хориотой нэмэлт бодис байгаа гэж Хятадын засаг захиргааныхан үзэж байгаа юм. Эдгээр бодис дотор натрийн исэл байгаа бөгөөд тэр нь кофеинтэй хамтран сэтгэл зүйтэй холбоотой өвчнийг анагаахад ашигладаг байна.
Гэтэл ийм төрлийн бодис хамаагүй хэрэглэснээр толгой өвдөх, тайван бус болох, мансууруулагч хэрэглэдэг болох гэх мэтийн олон сөрөг үр дагавар дагуулдаг аж. Үүнтэй холбогдуулан орон нутгийн засаг захиргаа болон мэргэжлийн байгууллагууд тусгай шалгалт хийж эхэлсэн байна.
Мөн шалгалтын дүн гартал дэлгүүрүүдэд уг ундааг борлуулахыг хоригложээ. Гэтэл “Red Bull” ундаа үйлдвэрлэгчдийн нотолж буйгаар энэ ундаанд агуулагдах бодис аюулгүй хэмээн баталж байна.
Эх сурвалж: Айнэт.мн
