Барбадосын гүнж Рианнаг энд тэндэхийн шоу арга хэмжээн дээр нүцгэн шахуу харсаар дадсан. Гэхдээ тэр сүүлдээ бүр улайм цаймдаа гарч сагсан бөмбөгийн тэмцээн дээр хөхөвчгүй иржээ.
Америкийн “Vogue” сэтгүүлийн гуравдугаар сарын дугаарт өгсөн ярилцлагадаа тэрээр “Би хөхөвч зүүвэл дотоож өмсдөггүй, дотоож өмсвөл хөхөвч зүүдэггүй” хэмээн “тунхагласан” байдаг. Тэгэхээр энэ үнэн бол тэр Нью-Йоркт болсон сагсан бөмбөгийн энэ тэмцээн дээр дотоож өмссөн болж таарах нь. Дээгүүрээ бол нүцгэн биен дээрээ цагаан футболка өмссөн байв. Бусдаар бол дуучин бүсгүй үзэгчдээс нэг их ялгараагүй бөгөөд “Citzens of Humanity“ брэндийн 248 долларын үнэтэй цоорхой цэнхэр жинсэн өмд, биений өнгөтэй урдуураа онгорхой туфльтэй ирсэн юм. Харин гартаа “Их хотын секс” киноны стилист Патриция Филдийн долларын дэвсгэртийн дүрс бүхий цүнх барьсан байсан юм. Гэхдээ үнэ нь ердөө 48 доллар.
С.Дөлгөөн
