Цардууллаг хүнсний бүтээгдэхүүн болох талх, гурилан боов, будаа, гоймон, төмс зэрэг нь эрүүл хүнсний үнэхээр чухал хэсэг юм. Бүхэл үрийн болон бүдүүн ширхэгтэй үр тариан бүтээгдхүүнийг аль болох сонгож хэрэглэх нь чухал.
Ямар хэмжээгээр хэрэглэвэл зохистой вэ?
Бидний идэж байгаа хоол хүнсний гуравны нэгийг цардууллаг хүнс эзлэх ёстой. Гэвч ихэнх хүн хангалттай хэмжээний ийм хүнс хэрэглэж чаддаггүй. Хэрэв эрүүлжих үүднээс олон төрлийн хүнсний бүтээгдхүүний харьцааг тохируулахыг хүсэж байвал өнжөөд нэг хэрэглэж болно.
Цардууллаг хүнс нь олон төрлийн шимт тэжээллэг бодис ихтэй тул биднийг эрч хүчтэй байлгах гол үндэс болдог. Тэдгээр нь цардуулаас гадна эслэг, кальц, төмөр, В аминдэм зэрэг бусад шим тэжээлт бодисыг агуулж байдаг.
Зарим хүн цардууллаг хүнс таргалуулдаг гэж үздэг. Гэтэл тэдгээр нь таны хоол хүнсэн дэх өөх тостой харьцуулахад бараг тал хувиар бага илчлэгтэй байдаг. Тийм болохоор та хоол хийхдээ нэмж хэрэглэж буй өөх тосныхоо хэмжээг анхаарах хэрэгтэй, учир нь тэд хоолны илчлэгийн хэмжээг нэмэгдүүлдэг. Хэрвээ та илүүдэл жинтэй бол бүхэл үрийн болон бүдүүн ширхэгтэй үр тариан бүтээгдхүүнийг түлхүү хэрэглэх нь зөв сонголт болно.
Залаат ургамал нь зохицуулах үйлчилгээтэй, онцгой сайн цардууллаг хүнс юм.
Хошуу тариа буюу овъёос, түүгээр бэлтгэсэн хүнс болох Геркулес хэмээх нэвс, арвайн гурил, хөх тарианы гурилаар хийсэн талх, жигнэмэг, хөц, сагад буюу гурвалжин будаа, бүдүүн ширхэгтэй гурил, хивэг, шар будаа, тутарга буюу цагаан будаа, эрдэнэшиш зэрэг нь уураг, нүүрс ус, тосноос гадна Е, РР, В бүлгийн аминдэм, эслэг, магни, цайр, фосфор, төмөр зэрэг эрдэс бодисыг агуулдаг учир зүрх судас, үе мөч, ходоод, цөс, нойр булчирхайн эмгэг өвчнөөс урьдчилан сэргийлэх, эмчлэхэд чухал үүрэгтэй. Ийм учраас эдгээр залаат ургамлыг хоол ундандаа байнга хэрэглэхийг зөвлөж байна.
