БНСУ-ын Загварын холбооноос Азийн шилдэг загвар өмсөгч шалгаруулах тэмцээнийг зохион байгуулдаг.
Долоо дахь жилдээ зохиогдож буй энэ удаагийн тэмцээнд 18 орны 50 гаруй загвар өмсөгч оролцсон байна.
Манай улсаас “Монгол модель” агентлагийн загвар өмсөгч Д.Баяртогтох тус тэмцээнд оролцож, шилдгээр шалгарсан байна. Мөн загвар өмсөгч С.Батцэцэг “Фото модель” өргөмжлөл хүртжээ. БНСУ-ын Сөүл хотноо гурван өдөр үргэлжилсэн эл тэмцээнийг Япон, Солонгосын 13 шүүгч шүүж, дүнг гаргажээ.
Шүүгчид загвар өмсөгч Д.Баяртогтохыг тайзны алхаа, гишгээ, техникээрээ бусдаас ялгарч чадсан хэмээн үнэлсэн байна. “Азийн топ модель” өргөмжлөлийг Солонгосын загварын агентлагтай хамтарч ажиллах эрх бүхий гэрээ дагалддаг аж. Түүнчлэн Азийн топ модель Д.Баяртогтоход Солонгосын кино агентлагууд санал тавьсан байна.
Э.Энх
Монголын мэдээ