Өнөөдөр аргын тооллын 2014 оны тавдугаар сарын 16. Баасан гараг. Билгийн тооллын XVII жарны “Тийн ялгуусан” хэмээгч модон морин жилийн хаврын илүү дунд улаагчин туулай сарын 17. Эрхтэний тэнгэрт одтой, 8 цагаан мэнгэтэй улаагчин гахай өдөр. Сугар гараг. Өдрийн барилдлага Шид. Шүтэн барилдлага Тийн мэдэхүй. Наран 5 цаг 30 минутад мандан, 20 цаг 31 минутад жаргана. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, шинэ ажил эхлэх, зэрэг дэвших, сан тавиулах, угаал үйлдэх, нялхасын хурим хийх, огторгуйн үүдийг боох, их хүмүүнтэй уулзахад сайн. Газар малтах, худаг гаргах, сэтгэлд сэвтэй газар очих, балгадын суурь тавих, нохой авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
* * *
Өрнийн зурхай
Хонины орд (3/21-4/19): Хэрэггүй зүйлээсээ татгалзаж цэвэрших өдөр. Ихэнх нь өөрийнхөөрөө зүтгэж тэдний зам дээр байгаа боломжийн өөрчлөлтийг үл ойшоох болно. Сайн мэдэхгүй ажлаа хийх хэрэггүй. Сэтгэлээ шаналгахгүйн тулд өөрийн хийсэн алхмыг зөвтгөх гэж зүтгэсний хэрэггүй.
Үхрийн орд (4/20-5/20): Эерэг өдөр. Орондоо удаан байх нь шавхагдаж буй тамир тэнхээг сэргээнэ. Сэтгэл гонсойх зүйл тохиож болзошгүй гэвч энэ бүхэн сайнаар төгсөнө. Та тайван байх нь чухал Өнгөрсөнд болсон зүйл санаандгүй сэргэнэ. Таатай дурсамж танд инээмсэглэлийг авчирна. Хайрын амьдралаа сэргээхийг хүсэж байгаа бол гэртээ үдэш зөвхөн хоёул байх нь амьдралаа сэргээхэд тусална.
Ихрийн орд (5/21-6/21): Одооноос эхлэн эрүүл мэнддээ онцгой анхаарал тавь. Энэ сард сувилалд явж амар. Таны өмнө шийдвэрлэвэл зохих харилцааны асуудлууд тулгарч ирэх болно. Гэр бүл болон эцэг эхтэйгээ харилцах харилцаа чинь тийм ч сайн биш байна. Иймээс тэдэнтэй маргаан үүсгэхээс татгалз.
Мэлхийн орд (6/22-7/22): Өсвөр насны хүүхдүүдэд бие дааж мөнгө олж санхүүгийн хувьд бусдаас үл хараат байх боломж олдоно. Тэдний энэ эрмэлзэлийг дэмж. Гол нь мөнгөө зөв зарцуулахыг зааж сурга. Аялалд хамт яв. Хамт ууланд авирах эсвэл дугуйгаар тойрох зэргээр өнгөрүүл.
Арслангийн орд (7/23-8/22): Ашигтай өдөр. Өнөөдөр хийх зүйлээ бүгдийг нь амжуулах гэж хичээх хэрэггүй. Цуу ярианаас зайлсхий. Хэрвээ хууль бус ажиллагаанд оролцох гэж байгаа бол дахин сайтар бод. Танд ойрхон байгаа шунал тачаалын шинэ харилцаанаас чөлөөлөгдөх хэрэгтэй. Шинэ сонирхол тань таныг шинэ, гайхалтай дээдсийн хүрээлэлтэй танилцуулж, өмнө нь боломжтой гэж бодож байгаагүй шинэ мэдлэгийн хүрээг нээж өгнө.
Охины орд (8/23-9/22): Таны амьдралын уйтгар гунигийн үе өнгөрч байна. Түргэн загнах хэрэггүй, ажлаа уур уцааргүй хий. Өөр ямар нэг боломж хайж эхлэхээсээ өмнө ажлаа хийж дуусгахыг хичээ. Амралтын өдрүүдээр гадагшаа гарч, өөрийнхөө дуртай зүйлийг хий. Хэрвээ та хайртай хүнтэй бол хамт амралтад явж цагийг зугаатай өнгөрөө. Харин ганц бие бол энд тэндээс ирсэн их олон янзын хүмүүс цуглардаг газруудаар яв. Концерт, жүжиг үз.
Жинлүүрийн орд (9/23-10/22): Өнөөдөр жинлүүрийнхэн янз бүрийн спортын үйл ажиллагаанд хамрагдана. Хэрвээ та үнэхээр хамгийн сайнаар хийвэл таныг шагнал хүлээж байна. Залуучууд хичээл хийх зуураа хөгжим сонсох нь урам зоригыг чинь өдөөхөөс илүүтэйгээр анхаарлыг чинь сарниулна. Хэрвээ та үнэхээр тухайн зүйлийг сурмаар байгаа бол чимээгүй амар амгалан газар очоод анхаарлаа төвлөрүүлэн суугаарай.
Хилэнцийн орд (10/23-11/21): Эерэг өдөр. Сүүлчийн сонголт чинь бухимдал болон гомдол дагуулж болзошгүй. Бизнесийн уулзалт чинь заавал таны оролцох ёстой үдэшлэг болон хувирч магадгүй тул хэрвээ чухал болзоотой бол цагаа харж байх хэрэгтэй. Ярилцсан зүйлүүд чинь хурдан бөгөөд эерэгээр шийдэгдэх болно. Таныг аз жаргалтай болгохоор зүйлүүд дээр төвлөр.
Нумын орд (11/22-12/21): Хянуур өдөр. Гэр бүлийн амьдрал амар тайван байж таны романтик хайр нандин хэвээр үлдэнэ. Гэвч та уян хатан байж чадахгүй бол энэ өдөр та сэтгэл гонсойж болзошгүй. Сар үхрийн ордонд байрлаж та бусад өдрөөс илүүгээр өрөвдөлтэй мэт ганцаардмал сэтгэлтэй үлдэж болзошгүй. Харин үл хөдлөх хөрөнгө хайгчид олз омогтой байна. Гэвч аливаа гэрээ хэлэлцээрт гарын үсэг зурахдаа анхаарал болгоомжтой ханд
Матрын орд (12/22-1/19): Сорилттой өдөр. Энэ өдөр хэцүү сонголт хийх хэрэг гарна. Од гарагийн нөлөө таагүй байх тул хэд хэдэн саад бэрхшээлтэй тулгарах магадлалтай. Хүүхдүүд, эцэг эхийн уур бухимдлаас болж, таагүй өдрийг өнгөрөөх хэрэг гарна. Өнөөдрөөс эхлэн санхүү, хөрөнгө оруулалт, гэрээ хэлэлцээртэй холбоотой саад бэрхшээд арилж эхэлнэ. Бүтээлч төслөө энэ өдөр эхлүүлэхэд таатай.
Хумхын орд (1/20-2/18): Гэр орны ажилд дарагдах өдөр. Хойш тавьсан ажил болон урьдийн амласан амлалтаа биелүүлэх гээд таны өмнө маш их ажил овоорсон байна. Спортоор хичээллэх салхинд алхахад сайн өдөр. Гэр бүлдээ цаг гарга.
Загасны орд (2/19-3/20): Хоёрдмол өдөр. Өглөө жаахан таагүй сэрж магадгүй. Гэхдээ үд дунд гэхэд зүгээр болсон байх болно. Таныг шинэ шинэ адал явдалтай учруулах аялалын талаар бодож эхэлнэ. Хийж дуусаагүй байгаа бүх ажлаа дуусга. Бүх ажлаа цэгцлэх нь орон зайг гаргаж өгдөг. Одоо бол хайртай хүмүүстэйгээ хамт төлөвлөгөө зохиох цаг. Толгой дотроо эргэлдэж байгаа бодлоо тэдэнд хэл.
