Линдсэй Лохан саяхан өгсөн нэгэн ярилцлагандаа шөнө оройн цагаар үдэшлэг хэсэхээ больж, “гэрийн буг” болж байгаагаа учирлажээ. 25 настай жүжигчин бүсгүй тэрээр “The Today Show”-ны зочноор оролцон, хөтлөгч Матт Лауертай халуун дотно ярилцлага өрнүүлсэн бөгөөд туулж өнгөрүүлсэн амьдралынх нь ихэнх өдөр Холливууд, Нью-Йоркийн үдэшлэг, шөнийн цэнгээний газарт өнгөрсөнд харамсаж байгаагаа нуулгүй дэлгэсэн байна. Тэрээр “Хэдэн сарын өмнө нэг найзтайгаа оройн цагаар гадуур гарсан. Тэр үед надад ямар ч сонирхолгүй залхмаар санагдсан. Урьд өмнө өчнөөн цагаа өнгөрөөсөн улиг болсон хэв маяг болохоор ч тэр үү тийм ч хөгжилтэй, сайхан санагдаагүй” хэмээн ярьжээ.
Түүнчлэн, “Би одоо гэр амьтай нэгэн байхаар шийдсэн. Амьдралынхаа шинэ хэв маягтаа ч дасч байна. Лохан гэх эмэгтэй хар тамхи, бор дарс, хуулийн хатуу хөтүүд нилээн нухлагдлаа. Одоо нэр төртэй, ухаалаг бүсгүй болох цаг болсон юм шиг санагдаж байна. Хэлсэн амандаа хүрэхийн тулд их зүйл хэрэгтэй гэдгээ чойлгож байгаа” хэмээн гэмшингүй өгүүлсэн байна.
Бүтэхгүй асуудалд байнга орооцолдох дуртай түүнийг ийнхүү галзуу “партичин”-аас “гэрийн буг” болсонд итгэх хүн тоотой байгаа бөгөөд ийнхүү хүмүүжихэд нь юу ингэтлээ нөлөөлөв хэмээн толгойгоо гашилгах нэгэн ч цөөнгүй байгаа сурагтай.
factnews.mn