Ер нь ганц хүүхэд ч гэлтгүй насанд хүрсэн том хүн ч гэсэн худлаа ярьдаг шүү дээ. Хүүхэд бүр цэцэрлэгт байхаасаа буюу ухаан санааны мэдрэмж хөгжсөн үеэс л худлаа ярьж эхэлдэг. Энэ нь эцэг эхчүүдийн хувьд түгээмэл болсон асуудлын нэг байдаг. Гэхдээ хүүхэд худлаа ярьж байна гээд санаатай худлаа ярьсан гэж ойлгож бас болохгүй юм. Иймд ямар ч үед хүүхдийг “худалч” хэмээн бүү дуудаарай.
Тэгвэл хүүхэд яагаад худлаа ярьдаг вэ?
•Үе тэнгийн хүүхэд аль эсвэл эцэг эхээсээ худлаа ярихыг сурч эхэлдэг.
•Эцэг эхийгээ буруу зүйл хийснийх нь төлөө загнаж, шийтгэх бий гэж айснаасаа болоод худлаа хэлдэг. Ялангуяа эцэг эх нь хүүхдийнхээ хичээл ном болон сурлаганд нь их анхаардаг бол. Ийм тохиолдолд хүүхэд таагүй дүн авсан нь аав ээж хоёрт нь таалагдахгүй хэмээн худлаа ярих жишээтэй.
•Эцэг эхийнхээ анхаарлыг өөртөө татах гэж. Тухайлбал: хүүхэд өвдөх болон ямар нэгэн таагүй зүйлийг мэдэрч болох юм. Энэ үед эцэг эх нь хийж байгаа ажлаа хүртэл орхиод хүүхэдтэйгээ ажиллаж эхэлдэг.
•Өөрт байхгүй ямар нэгэн дутагдсан зүйлийг худалдаж авч өгөхийг хүссэн үедээ. Гэхдээ энэ нь тийм ч муу зүйл биш юм. Харин олон удаа иймэрхүү зүйл давтагдах ёсгүй.
•Ямар нэгэн юманд хүрэх болон түүнийг нь хийхийг нь үл зөвшөөрсөн тохиолдолд. Энэ үед хүүхэд: “бусад нь болдог. Харин би яагаад болохгүй гэж?” хэмээн гоморхож эхэлдэг. Иймэрхүү үг хэллэгийг хэрэглэлээ гээд түүнийг худлаа ярьж байна хэмээн бодох нь юу л болдоо.
•Өөрийгөө хамгаалах арга олдохгүй болохоор. Үүнийгээ ганц удаа л гэж боддог Гэвч дахин давтагдсаар л …
