Монголын хошин урлагийн “Шилдэг өнгө” продакшны уран бүтээлчид Эх үрсийн баярт зориулан “Аладдин” хүүхэлдэйн киноноос сэдэвлэсэн адал явдалт “Аладдины шидэт дэнлүү” жүжгийг 3D хэлбэрээр шинэлэг, өнгө аястайгаар толилуулах гэж байна.
Уг жүжгийн зохиолыг “Шилдэг өнгө” продакшны залуу жүжигчин Х.Баярмаа орчуулж, ерөнхий найруулагчаар Ц.Хүсэлбаатар ажиллаж байгаа юм. Хүүхдүүдийн хайртай хүүхэлдэйн баатрууд болох Жасмин, Жабарыг дэргэдээс нь харах боломжтой. Энэхүү жүжгийг энэ сарын 29-нээс эхлэн Монголын хүүхдийн ордоны тайзнаа өдөр бүр тоглох юм.
Тус хамтлагийнхан өмнө нь “Баавгай дуулах уу?” хүүхдийн жүжгийг тайзнаа амилуулж бяцхан үзэгчдэд бэлэг барьж байсан юм.
Ж.Болор /ugluu.mn/
