Манхэттены хоолох жор бол зохиолч Эйлин Даспины бүтээсэн жор юм. Гол зарчим нь тун энгийн. Бүхнийг амс, гэхдээ бараг юу ч битгий ид гэсэн үг аж. Ингэхийн тулд та халбага, сэрээ, хутга зэргээс бүрмөсөн татгалзан савх хэрэглэж хооллох хэрэгтэй болно. Хоолыг савхдаж идвэл амархан цаддаг гэнэ. Савхаар их хэмжээний хоолыг авч идэх боломжгүй билээ. Түүнчлэн хоолноосоо элдэв сүмс тэргүүтнийг хасах нь зүйтэй.
Ногоон цайн дээр сүү хийж уувал гэдэс хонхолзохгүй байдгийг Даспин зохиолч өгүүлэв. Согтууруулах ундааг ус юм уу мөсөөр шингэрүүлбэл зүгээр. Хамгийн гол нь хоол хүнсээ бага багаар базаах ёстой гэнэ. Өөрөөр хэлбэл, жижиг боодолтой хүнсний бүтээгдэхүүнийг авна гэсэн үг. Хүнсний бүтээгдэхүүний чанарт анхаарах нь зүйтэй юм. Өндөр үнэтэй бага хоолыг идэх нь хямд үнэтэй их хэмжээний хүнс хэрэглэхээс илүү аж. Элдэв зоогийн газруудаар орохоо зогсоох хэрэгтэй. Харин гэртээ өөрийн гараар хоолоо бэлдвэл тустай гэнэ.