Турах хүсэлтэй хүүхнүүдэд зориулсан бяцхан зөвлөмжүүд:
– Хэрэв хөргөгч онгойлгох бүрт үзэмжтэй, хорхой хүргэсэн амттан нүдэнд чинь тусч байвал та эдгээрийг түлхүү хэрэглэх болно.
– Харин эдгээрийг доод талын тавцанд, хаалттай байдалд байвал та огт анзаарахгүй өнгөрнө.
– Гал тогооны шүүгээнд ч мөн адил гоёмсог савтай чихэр, амттан нүдэнд тусахуйц газар байвал та тэсэхгүй авч иднэ. Үр дүнд нь таны жин нэмэгдсээр байх болно.
– Иймд амттанг нүднээс хол байлгаж бай.
– Харин алим, жимс, шинэ өргөст хэмх, байцаа, лууван зэрэг биед ашигтай жимс ногоог нүдэнд ил байлга.
– Элдэв юм мэрэх дуртай бүсгүйчүүдэд зөвлөхөд жимс ногоог хөргөгчинд хийхийн өмнө угааж цэвэрлэсэн байх ёстой. Дараа нь аваад идэхэд амар.
ЖҮҮС БОЛГОНЫГ ЖИМСЭЭР ХИЙДЭГГҮЙ
– Жимсгэний жинхэнэ сок, шүүсэнд л ашигтай бодис бий.
– Өөрөөр хэлбэл та сахар нэмж хийхгүйгээр өөрөө жимсний шүүсийг шахсан тохиолдолд.
– Савласан жимсний шүүсэн дээрх “сахаргүй” гэсэн бичиг таныг төөрөлдүүлсэн хуурамч заль шүү.
– Ийм бүтээгдэхүүнийг бэлтгэх явцдаа амтыг нь “жинхэнэтэй ойролцоо” болгох гэж химийн бодис нэмж хийдэг гэсэн үг шүү.
